اروح عندهم ولالالا ساعدوني

السلام عليكم اخواتي مشكلتي عارفه مالهاحل ولكن مجرد فضفضه انا متزوجه من 12 سنه وعندي ولدين وبنتين ولله الحمد مؤظفه ومبسوطه جدا مع زوجي مع انا الحياة الزوجيه لاتخلوا من المشاكل ولكن الحمدلله مشاكل عاديه المشكله في اهلي اني لااستطيع ان اذهب لهم متى مابغيت لان امي تسوي حركات تجنن :eek:وترفع الظغط وتحاول انها تستفزك بكل الطرق وانا احاول اني امسك اعصابي علشان امي ماتزعل بس وش اسوي عيالي دايم يقولون نبغى نروح عند خوالنا وانا ودي بس لتذكرت حركات امي كرهت الروحه عندهم تخيلوا اجلس خمسه شهور ويمكن اكثر مع ان المسافه تقريبا ساعتين وزوجي لو ابغى اروح لهم كل شهرين مايرفض ابغى اذكر بعض افعال امي اللي تسويها طول مانا جالسه عندها مالها هرجه غير الفلوس تحسسك انك مقصره وماتقومين بالواجب مع اننا والله مانقصر ابدا لاماديا ولا من ناحيه الشغل بالبيت يعني الطبخ واول ماجي اعبي المستودع من الا من الاشياء الناقصه والله انه العشاء اذا شفت حريم اخواني مجتمعين مع اولادهم اسوي عشاء وفي بعض الاحيان قسم بالله امي ماتدري الا اذا دخل صحون الذبائح من المطعم وكله علي حسابي وماغير اعطي فلوس اخوي الصغير يجيب حلى ومعجنات من برا اذا بغى يجي احد ومع ذالك امي تزعل ليش ترسلينه يجيب الاغراض مع انه رايح عنده مشوار خاص فيه ويجيب علي طريقه ومره كنت ابروح ازور وحده وطلبت اخوي وقال خلاص اوديك المشوار يوم عرفت امي زعلت وقالت ولدي مهب سواق عندك :angry2:والله اني اذا رحت احط يدي علي قلبي لاتتعب بنتي واضطر اوديها للمستشفى مع اخوي طبعا راح تزعل امي وتسمعني كم كلمه :22:مع العلم ان سيارة اخوي مشتريها له انا واخواني يعني قطيه والله اخوي عسل ويستاهل بس حركات امي اللي مالها داعي هل تايدونني بتصرفي بعدم الذهاب الي بيت اهلي الا في السنه مرتين ولاتزيد الجلسه في كل روحه عن اسبوع مع العلم اني كنت اول اروح وانا مقرره اجلس عندهم اسبوعين ولكن حركات امي تجعلني ادق علي زوجي بعد اسبوع واقوله خلاص تعال خذني العيال جننوني وش اسوي ماقدر ابين له اقسم بالله اذا شفت ام زوجي وكيف تعامل بناتها احزن علي نفسي بناتها يجلسن عندها بالشهر والاثنين واذا قربت السفر يزعلون مع انهن مامعهن شغالات والكرف علي شغالة امهن وخالتي حرمه كبيره وهي اللي تطبخ لهن ولعيالهن وبناتها متخرجات ولاوحده مؤظفه يعني خالتي هي اللي تصرف عليهن وعلى قلبها زي العسل الله يسعدها يارب وهذي اشياء بسيطه من الاشياء اللي تسويه امي قسم لو اقولكم وش تسوي تقولون عني كذابه:p