بسم الله الرحمن الرحيم
]
سوره الشعراء - آيه( 78 )
-------------------------------------------------------------------------------------------------
اخواتى وحبيباتى فى الله كيف حالكم
سأحكى لكم موقف حدث لى مع صديقتى الغاليه اكرمها الله وادام عليها الصحه والعافيه
رأيتها يوما متوتره وتفكر بتمعن وعلى وجهها الضيق فسألتها مالك فى إيه ...؟
فقالت لى إنها بتفكر فى الموت
فقلت لها معاكى حق انا لما بفتكر الموت بخاف
قالتلى انا بفكر ومش عارفه هقابل ربنا إزاى انا خجلانه من نفسى قوى
قلت فى نفسى هى { مكسوفه وهى ما شاء الله عليها ( احسبها على خير ولا ازكى على الله احد ) حافظه القرآن وتُعلم القرآن واجدها صوامه قوامه لا تتردد فى فعل الخير ابدا مهما كانت مشقته عليها ولا تتردد فى مساعده الناس ومن رآها احبها فورا وارتاح لها }
لو هى خجلانه من نفسها ولو هى مقصره يبقى احنا ايه ..؟؟؟
فقلت لها : ايه اليخليكى خجلانه
قالتلى بتعبيرها هى { اروح لربنا وايدى فاضيه }
قولت لها يعنى ايه
قالتلى اخد ايه معايا وانا رايحه لربنا ..
احنا لو رايحين عند حد بناخد معانا هديه .. ولو الحد ده غالى علينا بناخد هديه قيمه .. شوفى لما يكون ربنا ناخد معانا ايه .. ده ربنا مش حد عادى ربنا
الحقيقه الكلام ده هزنى قوى
لقيت كلامها اكبر كتير من الخوف والعذاب والنار !!!!!!!!!!!!!!!!!!!!
لقيت كلامها اكبر من ده كله لإنه حب .. حب ربنا تبارك وتعالى
الحب الذى يملاء القلب والعقل و الوجدان ويشغل عن اى حب سواه
{ اللهم ارزقنا حبك وحب من احبك وحب عملاً يقربنا الى حبك }
هى تبحث عن هديه عن عمل عظيم تعمله فى سبيل الله لتقابله به لآنها شديده الحب له وعايزه تاخد زياره معاها ..؟؟
ياترى من منا فكر بهذه الطريقه ؟؟ من منا جاهد نفسه وصلى الصلاه فى اوقاتها وخشع فيها
من منا صام الصوم الذى أ ُمرنا به صيام قلب وجوارح ليس فقط امتناع عن الطعام والشراب و دون غيبه او نميمه
من منا داوم على قراءة القرآن وتعلمه وحفظه
من منا حفظ حدود الله وامتثل لأوامره ونواهيه
وياترى احنا هناخد معانا لربنا ايه .. ولا هنروح وايدنا فاضيه
وانتى كمان هتروحى وايدك فاضيه ..........!!!!!!!!!؟؟؟؟؟؟؟؟؟؟؟؟؟؟؟؟؟؟