اروح لزواجها وزوجي مو راضي!!ولا اسمع كلامه وهو غلط 😾

مساء الخير ،،

انا عندي زواج لوحده قريبتي بعد كم يوم

زوجها له مشاكل هو واهله مع زوجي واهله لاحظوا زوجها مو اهلها هي ،، احنا علاقتنا معاهم قويه يعني نزور بعض انا وخواتي لها هي واخواتها وامي وامها صديقات

هي زواجها ما باقي عليه شي وانا زوجي الاسبوع اللي فات جاي من السفر بعد ماكان اربع شهور بعيد عني وعن عياله وامس قلت له ابغى اروح للسوق اجيب فستان للعرس قال ما يحتاج تروحين قلت كيف ما يحتاج اروح هذي صديقتي ومن اهلي لازم احضر وعلاقتنا فيهم مره قويه قال انا حرمتي ما تحضر عرس للفلان <<عيلة زوجها>> ولا تنكدين علي انا توني جاي وبشبع منك ومن عيالي مابغى مشاكل تحايلت عليه من هنا من هناك مو راضي يقول اطلبي اللي تبين بس روحه للعرس لا

انا ما ادري وش بقول للبنت ليه ما حضرت ،، ونفسي اني احضر زواجها يعني هذي قريبتي

زوجي يقول تبغين تروحين لها بيت اهلها قبل الزواج تباركين لها وتعطينها هديه انا ماعندي مانع لكن الزواج لا

الحين انا ابي رايكم ،، اقول لامي تكلم زوجي وتحرجه عشان احضر ولا اسمع كلام زوجي واروح اعطيها الهديه

انا نفسي اقول لامي تكلمه وتحرجه ،، بس زوجي بيزعل وبتصير بينا حواجز وهو اكره ماعنده احد يتدخل بمشاكلنا ووعدني انه يعوضني بشغله حلوه لو ما حضرت

محتاره ،، ارضي زوجي مع انه غلطان وما معاه حق يدخلني بمشاكل مالي فيها واريح راسي ولا تكلمه امي واروح للعرس وهو زعلان مني