اروح لهم ولا اعتذر ؟؟

السلام عليكم و رحمة الله و بركاته ..

مثلما واضح في العنوان اروح لاهل زوجي ولا اعتذر ؟؟

السالفه و ما فيها اهلي و اهل زوجي في منطقة و انا في منطقه

حامل بالشهر التاسع و اراد الله اني انزل لاهلي من بداية الشهر الثامن و الى الآن

زوجي احتمال ينزل الخميس و بيجلس 5 ايام تقريبا و يبغاني اكون معاه في بيت اهله طول هذي المدة لحدما يرجع ..


انا ما عندي مانع لكن شايله هم من عدة نواحي ..

اول شي امي مدري كيف اقنعها اروح لهم خمسه ايام و انا في شهري الاخير راح تقلق عليا و بتحاول تقنعني اني ازورهم و ارجع او بالكثير انام ليله و ارجع ..

ثانيا اخاف لو مشيت على راي امي زوجي يفهمني غلط و اني ما ابغى انام عند اهله او ياخذ في خاطره اني طول المدة هذي عند اهلي و لما نزل عشاني ما رضيت اجلس عند اهله

غير كذا بيت اهله نظامه مختلف تماما عننا يعني انا انام بدري و هم في الغالب سهر طول الليل و ينامو النهار كله لحد الظهر

و بالنسبة للاكل متعودة افطر الصبح و غدا الظهر .. و الطبخ استحي ادخل و اطبخ لان حماتي سبحان الله مهما تكون تعبانه تحب تاكل من طبخ يدها

اخاف اطبخ لي و لزوجي و يصير زعل و حساسية كيف اتصرف ..

اصبر لحدما يصحو و تطبخ ام زوجي و نتغدى ولا كيف !

و غير انها تحب تخدم بنفسها في البيت طبيعي ما ترضى اني اسوي شي و بصراحه ما احب اشوف وحدة اكبر مني تخدمني اكل و شرب و انا جالسه زي الاميرة

و الولادة الله اعلم متى تجيني اكيد امي بتشيل همي طول هذي الفترة

و اخاف تزعل او تتحسس اني رحت للولادة بدونما اخذها في حال جاتني الولادة و انا عندهم

و بيتهم غالبا في ضيوف يجو من غير موعد يعني ع الاقل لازم اعمل حساب ان ممكن يزورنا احد و آخذ لبس استقبال و كذا


ايش اسوي اروح لهم و اتحمل هذي الايام الخمسة و اخليها على الله
و شنطة الولادة اللي جهزتها اخذها احتياط !

ولا اروح لهم يومين و ارجع و زوجي يجيني عند اهلي زيارة الايام الباقيه ؟؟

اللي عندها حل تفيدني و الله ما ودي ازعل احد لا امي ولا زوجي و لا ابغى اثقل على احد كيف اتصرف !!

للعلم البيت مافيه غير ام زوجي و ابوه و اخته الصغيرة و اخوه الصغير و انا عندي غرفة خاصه هناك

سامحوني الكلام مو مرتب بس ان شاء الله وصلت لكم الفكرة