اروح ولا ما اروح ؟؟ شوروا علي

الأسرة والمجتمع

السلام عليكم ..
انا متزوجه وعندي طفلين اكبر وحده عمرها سنتين ونص تقريبا وساكنه بالرياض لانه زوجي يشتغل هنا من زواجنا وحنا هنا واهلي بعد وكل عماني ومعارفي هنا .. لكن اهل زوجي بمدينه ثانيه تبعد ثمان او تسع ساعات بالسياره .. المشكله ان زوجي كل شوي يطري سالفة انه ينقل عندهم نقل نهائي وانا بصراحه ماودي ياعالم انا من طلعت عالدنيا وانا بالرياض ماعرف اعيش الا هنا واهلي مقدر استغني عنهم وصديقاتي وبنات عماني وكل معارفي .. ومن ناحيه ثانيه لو احتجت اي شي او بغيت اي شي اعرف وين احصله وانتم تعرفون اسواق الرياض ومحلاتها ومطاعمها ومنتزهاتها باختصار مقدر اتخيل نفسي بمكان ثاني !! وزوجي معند معي ويقول لو مانقلت الحين بنقل السنه الجايه وانا حاولت اقنعه بس بدون فايده جيته بالاقناع والتهديد اني مابروح معه وحتى البكا بكيت لين ماتعبت وربي منشف راسه والله يابنات انا اقول لو بينقل لمدينه انا وهو مانعرف بها احد اهون علي لاني حاسه بظلم وهو له ربع ومعارف هنا وهناك وهو اساسا ولد عمي وله استراحه يروح لها واصدقا بالرياض وبديرة اهله بعد وكل عطله نروح هناك ونجلس كل الوقت يطلع ويتركني ببيت اهله كل يوم وانا متحمله كله عشان ماننقل وهو معترف انه مو عشان اهله بس بينقل هو يقول مليت من الرياض وزحمتها !!
طيب يابنات وانا ؟؟ ماعرف احد هناك ولاني موظفه ولا طالبه عشان اقول لا بتعرف على ناس و حريم اخوانه كلهم عندهم اهلم والله ما اتحمل الغربه حتى زوجي مو من النوع اللي يونس اللي معاه ويوسع صدره مو راعي سواليف ولا مزح الا نادرا على الاقل هنا اكلم اللي ابي بالتلفون واعزم اللي ابي اروح لصديقاتي ولاهلي ..وهناك ماعندي الا بيت اهله وعلاقتنا وسط بس احيانا تصير مشاكل ..وربي حاسه بظلم هو متعود عالرياض وكان يدرس هنا ايام الجامعه يعني متعود انه يبعد عنهد ومثل ماقلتلكم وربي اتنازل عن اشيا كثير مثل السفرات والتمشيات بالعطل على كيفي كله عشان مايفكر ينقل..
هو يقول اجيبك لاهلك متى مابغيتي , طيب ماعليه ولين كبروا عيالي ودخلوا مدارس وش بسوي اكيد بنحبس صدق ذيك الحزه
الله يخليكم شوروا علي وساعدوني وش اسوي ترى هالمسأله معقدتني بحياتي ومسببه مشاكل وضيقه ..
سامحوني عالاطاله ... اختكم صمت @:(
19
1K

يلزم عليك تسجيل الدخول أولًا لكتابة تعليق.

تسجيل دخول

أم ثلاث زمردات
ياأختي أنصحك أول شي بالدعاء واللجوء إلى الله ثم بالإقناع حاولي تقنعينه باللطف والكلام اللين ولا تنسين الدعاء في صلاتك وبين الأذان والإقامة .... وإنشاء الله ستفرج لك
ريف قلبي
ريف قلبي
يا اختي استهدي بالله وحطي نفسج مكانه... هو بعد يبا يكون وسط هله وناسه.. ماعليه بس الحرمه هي اللي تتبع الريال وين ما يكون.. ومسألة التعود بتتعودين.. وبتتعرفين على صديقات وعلى أهله وشوي شوي بتتأقلمين.. انتي الحين تعذبين عمرج ع الفاضي لأن مثل ما تقولين معند.. يعني الخيرة فيما اختاره الله وتوكلي على الله
ام الاحمدين
ام الاحمدين
يا اختي استهدي بالله وحطي نفسج مكانه... هو بعد يبا يكون وسط هله وناسه.. ماعليه بس الحرمه هي اللي تتبع الريال وين ما يكون.. ومسألة التعود بتتعودين.. وبتتعرفين على صديقات وعلى أهله وشوي شوي بتتأقلمين.. انتي الحين تعذبين عمرج ع الفاضي لأن مثل ما تقولين معند.. يعني الخيرة فيما اختاره الله وتوكلي على الله
يا اختي استهدي بالله وحطي نفسج مكانه... هو بعد يبا يكون وسط هله وناسه.. ماعليه بس الحرمه هي...
السلام عليكم ورحمته تعالى وبركاته

وعسى ان تكرهو شيء وهو خير لكم


شوفي اختي انا انصحك تروحي معاه مدامه معاند خاصة انه ناوي يجبك لالك كل ما حبيتي اما بالنسبه للاولاد ودراستهم فانا اقول يمكن اذا جاء ذاك الوقت تصيري انتي الي ما تحبي تروحي الرياض لانك لقيت اهل واصحاب ثانين اعز

ونصيحه ثانيه انتي روحي اعملي استخاره وشوفي

الله يهديكي لزوجك ويهدي زوجك ليكي والله لا يجيب مشاكل بينكم
ام زينا
ام زينا
السلام عليكم ورحمته تعالى وبركاته وعسى ان تكرهو شيء وهو خير لكم شوفي اختي انا انصحك تروحي معاه مدامه معاند خاصة انه ناوي يجبك لالك كل ما حبيتي اما بالنسبه للاولاد ودراستهم فانا اقول يمكن اذا جاء ذاك الوقت تصيري انتي الي ما تحبي تروحي الرياض لانك لقيت اهل واصحاب ثانين اعز ونصيحه ثانيه انتي روحي اعملي استخاره وشوفي الله يهديكي لزوجك ويهدي زوجك ليكي والله لا يجيب مشاكل بينكم
السلام عليكم ورحمته تعالى وبركاته وعسى ان تكرهو شيء وهو خير لكم شوفي اختي انا انصحك...
اتبعي رجلك وين ماراح وقوليله انا عصاك الي متعصاك
TAI CHI
TAI CHI
اتبعي رجلك وين ماراح وقوليله انا عصاك الي متعصاك

ايوه يا ام زينه

كلامك صح

النساء مراجيم الارض