اروح ولا مــاروح .. بسرعه يالغاليات اسعفوني قبل 2 الليل// تم

السلام عليكم يا حوائيات ..

ابي استشيركم بموضوع.. الاربعاء والخميس والجمعه اللي راحوا كنا و اهل زوجي مجتمعين بمزرعة ابوهم وكانت بنتي الصغيرة نازل عظيمها وما اهملتها ارفعها يوميا وكانت ام زوجي ملاحظتها وكم مرة تقولي برفعها وارفض لانها طريقتها تدخل يدها بفم البنت وترفعها احيانا تستخدم الفكس واحيانا فلفل اسود من داخل تقول فيه عظم صغير يكسر وتتطيب من العظيم وكنت اراقبها وما عطيتها فرصة تسوي اللي تبيه وانا اسولف مع سلفاتي اتصل علي زوجي وقال روحي البنت لنا وانا على حسن نيه ارسلتها وكملت سوالف الا واسمع صياحها والله انا متناقزين كلنا انا وسلفاني نحسب صاير لها شيء كايد لان صياحها مو طبيعي وارسل البزران يقولوم مع جدة كانت متفقه هي وزوجي واتصل على زوجي ويسكر بوجهي واتصل على اخوانه كلهم ولا يردون رحت لبست جلالي ورحت لهم وجيت ادخل عليهم قابلي اخو زوجي وطلبته يجيب البنت وقال تعوذي من ابليس مافيها شيء امي ترفعها وانطلقت عليه ودخلت عليهم وحلفت ان ما مدوها ما راح يحصل خير وبعد هوشه ومحاولات عطونياها والحمد لله ما امداها تكسرة لكن متسخدمة الفكس وبنتي تصرخ من حرارته وسكتت لين رجعنا يوم الجمعه وهاوشت زوجي على الاقل يوم بترفعها بدون ماتحط فكس وتدخل يدها وصارت هوشه بيني وبين زوجي وهو معصب علي ويهاوش يقول فشلتيني مع امي واخواني وليش تدخلين علينا بين الرجال وامي اعرف بمصلحتها البنت كملت سنه وكل مرة عظيمها نازل هذا من الاهمال وما ترفعينها ومن هالكلام ومن عقبها وانا وياه يالله نكلم بعض واليوم بعد بيطلعون الى الجمعه وحنا ماراح نروح معزومين عند عمي والحمدله افتكيت من الروحه اليوم لكن قايلي بكرة الفجر بنروح لهم الى الجمعه ومدري وش اسوي اروح او ما اروح استشرت امي وقالت اقصري الشر وروحي ولا كن شيء صار وخواتي اللي تقول لاتروحين عشان بعدها يحسبون لك حساب واللي تقولي روحي وكوني رسمية مع امه واذا جاء العصر ارجعي مع اخوي والله احترت مدري وش الحل انا اللي قاهرني بنتي من بعد الفكس لهاتها متزلغه ولسانها طرفه مع الفكس احمر وماعاد صارت تاكل اذا جيت بدخل شيء بفمها سكرته وبالموت يالله تفتحه صارت تخاف من اي شيء يدخل فمها آآآه بس

وش اسوي اسعفوني انا اللحين بقوم البس البنات وراح نروح للعشاء واذا جيت بدخل اشوف ردودكم واحدد موقفي قبل الفجر والله يجزاكم الف خير ولا يحرمني منكم