السلام عليكم
حبيباتي معايا اليوم وصفتين رووووووووعة شوية عليهم اولا كيك الشوكولاتة الهش بشكل رهيب ماشاءالله بيدوب في الفم دوب ورغم نتيجته الراائعة الا انه سهل جداااااااا اسهل كمان من اي كيك
التشوكليت كيــــــــــــــــــــــــــــــــــــــــك
المقادير:
2 كوب دقيق
كوب ونص سكر(او كوب وربع لو هتحطيلها صوص)
تلات اربع كوب زيت
2 بيضة..فانليا
كوب لبن رايب لو معندكيش نجيب كباية لبن عادي ونضيفلها معلقة كبيرة خل ونسيبها 5 دقايق وبعدين نستعملها
تلات اربع كوب كاكاو خام
2 معلقة صغيرة بيكنج صودا
1 معلقة كبيرة بيكنج بودر
كوب ماية مغلية (ممكن نضيفلها معلقة نسكافيه مش بتبان في الكيك لكن بتقوي طعم الشوكولاتة)
الطريقة في منتهي السهولة
هنمزج كل المكونات دي علي بعض كلها مااااعدا الماء المغلي
لدقيق السكر البيض الزيت البكنج بودر والبكنج صودا والكاكاو واللبن ماعدا الماية المغلية زي ماقلنا
بعدين نضرب بالمضرب كويس لمدة 4 دقايق بيكون الخليط سميك وتقيل
ثم نضيف كوب الماء المغلي ونخلط بالمضرب هنلاقي الخليط بقي خفيف ودة عادي جدا مننزعجش خالص
ونصب الخليط في صينية مناسبة المقدار كبير ماشاءالله ممكن صينية 28 او صينية مربعة ونقطعها مربعات عند التقديم انا خبزتها في قوالب الانجلش كيك
ويدخل الفرن علي 180 لمدة 40 دقيقة او اقل او اكثر
هنا بعد الخبز
ونكون جهزنا الكراميل الرااائع نحرق كوب سكر مع ملعقتين من الماء وبعد مانوصل للون المطلوب نضيف علبة القشطة ونتركه يبرد
وكمان نكون جهزنا صوص الشوكولاتة...بنرفع الكريمة عالنار وبعد ماتسخن نضيفلها الشوكولاتة
كوب شوكولاتة وكوب كريمة
لو حبينا الصوص يكون متماسك عالكيك يبقي نخلي الكريمة نصف مقدار الشوكولاتة
اخيييرا بيكون دة شكل الكيك النهائي
شوفوا خفة الكيك رهيييييييبة ماشاءالله
ندخل علي الوصفة الثانية
ميني تارت الشوكولاتة بالكراميل
مقادير التارت:
كوب وتلات اربع دقيق..نشيل منه معلقتين ونخليهم كاكاو خااام مبحبش كاكاو الشرب في الحلويات اطلااقااا
100 جم زبدة جامدة
نص كوب سكر بودرة
بيضة وفانيلا
نص معلقة صغيرة بيكنج بودر
نضرب الدقيق المضاف اليه البيكنج بودر مع الزبدة الباردة في الكبة لحد ماتبقي زي الرمل كدة وبعدين نضيف البيضة والفانيلا ونضرب وبعدين السكر البودرة ونغلف العجينة ونسيبها ترتاح في التلاجة اقل شئ نص ساعة
دة شكل العجينة نغلفها كويس جدا وندخلها الثلاجة ترتاح شوية اقل شئ نص ساعة
بعدين نجيب قالب الميني كب كيك نشكل فيه عجينة التارت علي شكل كريات
او نفرد العجينة بين ورق الزبدة ونقطعها بقطاعات الوردة
شوفوا جماله ماشاءالله
ونخرمه بالشوكة قبل الخبز عشان ماينتفخ
ولازم نكون جهزنا الكراميل بنفس الطريقة المعتادة
ندخله الفرن علي 190 مش بياخد وقت ممكن تلت ساعة ويكون جاهز نتركه يبرد ونحشيه بالكراميل
ودة شكله عند التقديم
ودة طبق هدية ليكم مني
https://d2s63a22uzwg40.cloudfront.net/3/9/1/5/5/5252dc2361af6.jpg
في النهاية لا اتمني سوي دعواتكم الي تطبق وصفة لي تدعيلي بان يحفظ لي ربي زوجي واولادي ولا يريني فيهم بئسا او مكروها
ام عمـــــــــــــــر.
اطباق في قمممة الجماال
شكلهاا يشهيي ممرآآ
من جد تشبةة بيتي كروكر
يعطيك ألف عااافيهه 3>
وجزاك الله خير ع المجهووود الراائع ..