مروان
لما كان عمره سنه وشهرين
_____________________________________________
ابي حبيبي جه يزورنا ودخل نام في اوده الاطفال لقي مروان جايبله رغيف عيش مطبق
فنادي عليا وقالي خدي العيش ده لقينا مروان نام في الارض وموت نفسه من العياط
خدت العيش واستغربت بفتحه لقيته يا حبيبي حاطط فيه جبنه نستو وفاردها فرد خفيف بصوابعه الصغيره وعامل لابي ساندوتش......سبحان الله في السن ده ويبادل الحنان بحنان
(مروان وابي رحمه الله في المستشفي)
____________________________________________________
كل يوم يسالني ابي فين؟هييجي امتي؟مروان اصلا انطوائي ومابيكلمش حد وبيحب ابي في صمت ...اخر ما زهقت من سؤاله قلت هاخده معايا القاهره يشوفوه كنت خايفه عليه بس اتوكلت علي الله وخدته واتحملت عدم صبره طول الطريق ...... يالا ياماما نشوف ابي مروان عاوزه...هاتيلي ابي اشوفوه..... ولمادخلنا المستشفي مش مستحمل يمشي طريق طويل علشين يشوفوه وقف في مكانه واتسمر وعيط وقال هاتولي ابي هنا..اخويا يراضي فيه وبالقوه خدناه وطبعابصعوبه علي ما رضيو يدخلوه اشفقوا عليه من عياطه
واول مادخل تتخيلوا عمل ايه؟؟؟؟؟؟؟؟؟؟؟
انصدم صدمه رهيبه من منظر الحقن وقف فتره كده يبص لابي بمنتهي الحب ومن غير مايكلمه ولا كلمه وطي علي رجل ابي وباسها مرتين وبكي وقاله معلش يا ابي :(:26:
ابي انهار من الموقف وعيط خدت مروان بالقوه وخرجته وفضل بعدها اسبوع ما ياكلش واكتأب جدا وسؤال يوميا عن ابي حسيت اني غلط اني خدته وندمت
الي ان خرج ابي حبيبي وعادت البسمه لمروان لكنها كانت ابتسامه مؤقته لان ابي الحبيب قعد يومين ومات............ومنذ ان مات ابي الحبيب ومروان ماسك جراب نضارته ابي فين ده بتاع ابي...ابي عند الدكتور ممكن في اليوم عشر مرات سؤال علي ابي...روح هاته يا ماما...خلي عمو يجيبه
فعلا تعبني جدا مخلص ووفي
(مروان وصور ابي)
____________________________________________________________
اول ما دخلت علي الفيس بوك كل اخواتي حاطين صور ابي
مروان دخل فشافها طلع علي الترابيزه وباس شاشه الكمبيوتر ونادي علي اخواته واحد واحد يشوفوه
اخر ما زهقت قلتله ابي ياحبيبي عند ربنا في الجنه بياكل شيبسي وبونبوني...راح جاب هدوموه وهدوم مالك اخوه وقاللي
يالا يا مامانروح كلنا فوق لابي
_____________________________________________________________________
ابي بحنانك وحبك نطقت الحجر طبعا لازم يعمل كده واكتر من كده في التراويح تاخده معاك..في المنصوره معاك احلي فسح واجمل اكل معاك واخر دلع خده منك
كان دايما ابي يقولي مروان ده راجل محترم ........هههههه وحشتني تعليقاتك الحلوه يا احن اب واحلي جد
ازرعوا حب تلاقو حب ازرعو حنان تلاقو حنان
اتعبت من جاء بعدك يا ابي
ادعولابي حبيبي بالرحمه والمغفره
والله لم اري مثله ابدا