قبل كم يوم كنت ابحث بالمواضيع والنت وقوقل عن الممسحة البخارية الحمراء الترا 3×1
ولقيت ان البعض يمدح فيها والبعض يذمها قلت اتوكل على الله واشتريها واجربها
وبالفعل اشتريتها من الاخت ( ×× يمنع الاشارة الى التاجرات خارج قسم التجارة ×× الاشراف ××) عسى ربي يسعدها والله جربتها
بالبداية ع السيراميك بدون ما استخدم اي منظفات وماشاءالله نظف السيراميك
ولمعه وانا مندهشة من النتيجة ماشاءالله طبعا انا شفت مقاطع باليوتيوب
وطريقة تنظيف الارضيات لاحظت مافي ولانقطة ماء بالارض يمكن بالتصوير ما وضح عن قرب
المهم لما استخدمتها لاحظت ان الار ضية طلعت فيها مسحة من الموية لكن سرعان مانشف المكان
يعني مايطول مو مثل الممسحة العادية اجلس ربع ساعة على بال ماينشف هذي ولا دقيقتين
او دقية الا وهي ناشفة ماشاءالله المهم ما جاء من بكرة الا وجربت فيها تنظيف السجاد او الزل
ووالله انه يشيل البقع او اللبان الي لاصقة في السجاد بس لازم امر على نفس المنطقة اكثر من مرة بس وربي
انه الطريقة هذي اريح من غسيل السجاد بالفرشاة والصابون اجلس ساعات ع بال ماينظف والا السجاد
ماينشف الا خلال يوم او نص يوم اما مع الممسحة من ربع ساعة - نص ساعة والسجاد ناشف ماشاءالله
وعلى فكرة ترى الممسحة اثناء تنظيف السجاد سريعة وخفيفة بعكس لما انظف فيها الارضية او
السيراميك تكون ثقيلة والسبب انه قاعدة الممسحة او رأسها لما يكون عليها قطعة القماش وامسح فيها
الارضية تكون الممسحة ثقيلة اثناء التنظيف وتتعب الايد والكتوف نوعا ما تماما بنفس ثقل الممسحة العادية
اما لما اركب على الرأس القطعة البلاستيكية المخصصة للسجاد تكون عملية التنظيف سهلة وسريعة والنتيجة وحدة تنظيف ولا اروع
كذلك الفرن جربته عليه ومع فتحات الفرن يطلع الدهون اللاصقة في الفتحات بس عيبه الممسحة انها
ثقيلة شوي لما اشيلها واطول بالتنظيف تتعب يدي يعني يد فيها الممسحة واليد الثانية فوطة عادية امسح فيها
المكان على طول عشان ماتجمد الدهون بس والله انه الفرن نظف مررررة بدون صابون ولا كلوركس الي يقطع الايدين والي لايمكن
يطلع الدهون اللاصقة في الفتحات وان شاءالله بكمل فيه تنظيف الكنب والحمامات وانتوا بكرامة والشبابيك واقولكم عن باقي تجربتي
انصحكم فيه لاتترددون والفلوس مو خسارة فيه ..
ماقصرتي واعطينا نتايجها ع الكنب