جبت لكم طريقة حلوه حاولو تسونها اذا طب عليكم احد غفلة وهو سهل وسريع التحضير والكسلانة تقدر تسويه في دقايق يا سلا لا لا لا لا م
المقادير :-
4 جالكسي
6 هوبي (الكبير)
حبه من الكاكاو المرّ
(يجي لوح شوكولاته مرّ لونه بني غامق على اسود خذي منه مربع واحد بس)
تكسرين الاغراض كلها وتحطينها بغطس مائي
(في قدر والقدر تحطينه بوسط قدراكبر منه بشوي و فيه شوووي ماي)
وتخلينها لييين تسيح
وبعدين تجيبين القوالب
تدهنينها بشوي زيت .. وتبدين تحطين فيها شوي شوكولاته (بالملعقه)
خليها لحد النص كذا..
ولاتشيلين القدر من القدر اللي فيه ماي عشان ماتتجمد الشوكولاته لان الجو بارد
فـ خليه بوسط القدر وكل ماحسيتي ان الشوكولاته بدت تجمد افتحي النار تسخنه شوي وبعدين
سكريها . << يقدّس التفاصيل
وبعديها تجيبين الحشوه
بندق - فستق مطحون (يكون شوي خشن) - بسكون ويفر مقطع لشرايح
وممكن تحطين أي حشوه تحبينها .. (ممكن تحطين كورن فليكس رايس)
وترجعين تغطين القوالب بطبقه شوكولاته ثانيه بس لاتكثرين مره عشان ماتتعدى الفتحات
وبعدين دخليها الثلاجه .. وبسرعه ببتجمد
واذا طلعتيها حطيها بـ أوراق البليسيه
وقدميها
صحتين وهنا على قلوبكم:42: