اروع وانجح كيكة تمر بالتوفي وابشركم سهله 😍😋

انا شغلي سريع... هلا بالجميع😘
المقادير مع الطريقة سوى من سهولتها...
اصباع الا ربع زبده تحطيه في الخلاط
مع كاسه الا ربع سكر وحبة بيضه وملعقه وسط فانيليا وتخلطيه دقيقتين ثم تضيفي عليه كاسة تمر مليانه منقوعة في موية حاره..... ( يعني تملي الكوب بالتمر المنزوع النوى بيدك الحلوه وتضيفي ع نفس الكوب مويه حاره لحد ما تغمر التمر)
المهم تضيفي عالخلاط كاسة التمر بمويتها وتخلطي لحد ما يتجانسو دقيقة وبعدها تضيفي كاسة دقيق الحلويات ع الخداط كلوووو انتبهوو
وتخلطو دقيقة ثم تحطيه في زبدية وتضيفو ملعقتين مليانه دقيق الحلويات برضو وملعقة كبيره بكينج بودر... وتسكبيها في صينينه مدهونه زيت ومرشوشة بدقيق والفرن تكوني مشغلته طبعا
اسكبي نص الخليط في الصينية ثم رصي فوقها انصاف تمرات تغطي الوجه كلو ثم اسكبي فوقها بقية خلطة الكيك وع الفرن الحار نار وسط اقرب للهادية وربع ساعه وشوفيها ترى سريع تستوي وشغلي فوق وحمريها وخليها تبرد...
وسوي التوفي....
٤ ملاعق سكر تذوب ثم تضيفي عليها ربع اصباع زبدة وبعدها اضيفي ملعقة قشطة واخلطي ثم اضيفي ٣ ملاعق قشطة واخلطي وحطيها في الخلاط واخلطيها تمااااام وتطلع عندك اروع توفي..
وصبي التوفي ع الكيكه واستمتعي بألذ كيكة تمرررر اتعب اقول لذيذه😍😍😋
515034
شوفوو من وا كيف هشة والتمر مدموج معاها ذالع خورافي😍
515042
لاتنسو تغطوها بالحافظ دايما الكيك لابد يتغطى
اتمنى تكون عجبتكم.... شوفو انا مالي في البهرجه والتقديم شغلي سريع بس تراها لذيييييذه لذيييييذه جربوها وحتدعولي ومع السلامه😘