بسم الله الرحمن الرحيم
اخباركم حبيباتي
اليوم جايبتلكم صياديه سمك انما اييييه توووحفه تقنن ماشالله
نبدأ بسم الله
المقادير
سمك قطع
رز ابو بنت << سر النكهه الاليمه بس ممكن تحطي الموجود عندك عادي
4 بصلات متوسطه
4 فصوص ثوم
بهاراتك المعتمده
زيت لقلي البصل
الطريقه
اول شي نجيب البصل ونقطعه حلقات ونقليه بزيت ونحاول نخلي الزيت كثير شويتين عشان نقلي البصل ونحط وراه السمك
ونخليه لين يصير لونه بني غامق يعني قبل ينحرق بشويتين
وبعدين نحطه في الخلاط مع كاسه مويا حاره ومع فصوص الثوم ونخلطه
وبعدين نحط السمك ونكون طبعا مغسلينه تمااام التماااااااام ونحطه مكان البصل في نفس القدر والزيت ونخليه يتحمر من كل الجهات لين يصير لونه ابيض يعني شبه مستوي
وبعدين نحط البهارات والملح وبعدين الخلطه اللي في الخلاط ع السمك ونزود شويه مويا ونخليها تغلي شويتين
بعدين نحط الرز وطبعا نكون ناقعينه من قبل انا كنت ناقعته قبلها من نص ساعه الى ساعه الا ربع
واهم شي المويا تكون مغطيه الرز بمقدار واحد او واحد ونص سم مو اكثر لان الرز منقوع من فتره
ونذوق الملح ونشوف لو يحتاج زياده نزود
وهنا ليين استوت
وهنا لين غرفتها وسووري ع الشكل مش ولابد بس لان الاخوان في الله ميتين جوع ومافيه وقت للتزيين
لاتفووووووتكم مع الليمون والطحينه الطعم اقوى شي ماشالله
واخيرا مابى منكم غير دعوات صادقه في هذا اليوم المبارك ان ربي يغفر لعمتي ويرحمها واموات المسلمين اجمعين ويشفي امي ويقومها بالسلامه
ويكتبلي الولاده الطبيعيه السهله الميسره ياااارب
ادري طولت عليكم بس امون ماعليه :22:
استودعكم الله الذي لاتضيع ودائعه
لا اله الا الله محمد رسول الله صلى الله عليه وسلم
سبحان الله وبحمده سبحان الله العظيم
الرز شكله مره يشهي