اريد أن أبني بيتي بماذا تنصحونني ! أيش إلي لازم أسويه في بنيان 2006

اولا:سخان المطبخ يجب ان يكون خارج المطبخ يعني خليه خلف الحائط

لان وجوده في المطبخ يشوه شكل الدواليب

ايضا عندك مغسلة المطبخ افضل تكون تحت الدريشه وياليت ماتكثرين درايش بالمطبخ عشان ماتخرب لك الشكل

ايضا الشفاط في المطبخ والحمامات خليها سقفيه مثل اللي تجي على شكل فتحة التكيف المركزي

ايضا خلي المطبخ وسيع شوي وشرح وافضل انك تعملين المستودع حوله وقريب اذا تبين انا مااحب المستودعات ومكتفيه بالمطبخ

ايضا اذا انك بتعملين فيلا دورين خلي حمامات الاستقبال صغيره شوي علشان ماتاخذ مساحه بالبيت
ايضا التكيف افضل مركزي او اسبلت وحبذا لو تحطين واحد فقط صحراوي عشان يغير الهواء الي داخل البيت ويرطبه

غرفة البنات او الاطفال الصغار حبذا لو تكون قريبه من حجرتك عشان ماتعبين بالليل

افضل انك تعملي افس مصغر فوق للماكرويف والقهوه والشاي والماء

انصحك اعملي غرفه خاصه بالعاب الطفال وريحي راسك من الترتيب وتكديس الالعاب في غرف نومهم

اعملي غرفه للغسيل الملابس وحبذا لو تكون في الملحق العلوي عشان ماتخرب شكل البيت
واذا زوجك من النوع الي يجونه ربعه بكثره مثل زوجي

اعملي له ملحق خارج البيت بالحوش عشان تريحين راسك من دخاخينهم ووسخهم
وبكذا تضمنين مجلس الرجال بيكون دائم نظيف

اعملي مدخلين للبيت من الداخل واحد للرجال والثاني للنساء
اذا بتعملين فيلا خلي فيه صالتين علويه وسفليه عشان السفليه مااحد يجيها من الاطفال
ويكتفون بالعلويه

وووووووووووووواااااااااااه تعبت وانا اعصر دماغي

اها غرفة نومك ضروري تعملين فيها حمام وغرفة ملابس

الدور العلوي لازم تعملين درابزين للنوافذ
والدرج صممي للدرابزين باب يتركب وقت الي تبين عشان تكونين مطمنه اذا عندك بيبي صغير

هذا كل اللي عندي ان شاء الله تستفيدين وتصممين بيت الهنا وتسكنينه بالعافيه وتتهنون فيه
وتملونه صبيان وبنات هههههههههه بس لاتكثرون .

مبروك عليكم بداية بني بيتكم
وكان ودي افيدك بس حتى انا ودي البنات يعطوننا رايهم لا ن حتى نحنا ان شاء الله بنبني
وماعندي معلومات واطلعت على بعض المواقع بس ودي البنات يعطوننا افكار واغلاط وقعوا فيها علشان مانكررها معنا يعني يعطونا اشياء استفادوا منها
وخاصة موضوع الدرج اللي محيرني انا ابغاه وسط البيت وزجي معارض
وش رايكم

ما شاء الله اختي ام مجد مخلت شي نقوله
ربنا يديكي خير هالبيت ويكون بيت السعاده يارب

السلام عليكم ورحمة الله احنا يالسين نبني بيتنا وتقريبا بدينا في التشطيبات نصايحي لش1-يوم تاخذين مخطط البيت ادرسي كل التفاصيل عدل لان المهندس بشر ممكن يغلط اغلاط فظيعة واهم شي اتاكدي من المساحات في المخطط تراني انقهرت يوم قارنت بين المخطط والواقع لان المهندس على سبيل المثال كان حاط لنا في حمام غرفة النوم الرئيسية في المخطط شاور وبانيو كبير غير المغسلة ويوم شفت الحمام على ارض الواقع طلع وايد صغير يعني يدوب بانيو عادي او شاور (فديري بالش عدل)2-درابزين الدرج حطي في بالش من البداية التصور اللي تبينه علشان تقولينه للمهنس يعني اذا كنت حابه تخلينه يتثبت على جوانب الدرج علشان ما يخرم لش جراتيت الدرج قولي للمهندس علشان يعمل حسابه3-لازم تتخيلين كيف بيكون البيت من ناحية الديكور والالوان لان وقت التشطيبات كل شي بيكون من محل يعني الابواب من محل والسيراميك من محل والادراج من محل ووووو فبيكون صععععععععععععععب عليش انش تتذكرين الالوان او تنسقين الديكور 4-اذا بتسوين غرفة حق الخدامه حاولي تخلين بابها من برع يعني في الحوش علشان تاخذين راحتش وحطي في حجرتها انتركول علشان تقدرين تنادينها في اي وقت من غير ما تطلعين الحوش وتنادين5-بالنسبة للمطبخ خذي افكار للادراج من كتالوج ايكيا ترا فيه افكار حلوة وعملية6-بالنسبة لغرفة الغسيل وغرفة الخادمة خليت ابوابها خارج البيت علشان ما تم الخدامه داخله طالعه حتى حبل الغسيل خليته تحت عند حجرتها 7-يستحسن يكون للمطبخ بابين باب داخل البيت وباب يطلعش الحوش من ورا وخلي الباب اللي يوديش للحوش يكون معاه باب شبك علشان اذا حبيتي تهوين المطبخ ما تدخل الحشرات8-الشبابيك لاتكبرينها بشكل مبالغ لان الالمنيوم مكلف بالاضافة الى ان الستائر بعدين بتعبش ماديا وجسديا(في التنظيف) 9اجعلي المكان اليومي الي بتجتمع فيه العائلة شرح ولا تخلينها ضيق حتى لوكان على حساب مساحة المجلس الرئيسي لان الضيوف ما بييون كل يوم وبالتالي راحتكم النفسية اهم 10 حاولي تسوين غرفة اضافية فوق اوتحت للزمن (سبحان الله يزيد عددكم او يجيكم ضيف ويبات )11المكيف سبلت افضل من المركزي لان المركزي يوم تشغلينه يبرد البيت كامل او الطابق كامل بينما سبلت يبرد فقط المكن اللي تبينه وبالتالي يوفر عليش مال ومشاكل(انا بردان واناحران)12 سلللللامتش والله يهنيش ببيتش وادعيلي ان بيتي يطلع على ما اتمنااه

ماعندي شئ اضيفة البنات ماقصروا بس حبيت اباركلك والله يوفقكم