اريد اجهزة تسهل وتسرع تنظيف البيت...بليييز لا تطنشووني

هلا يا قلبي الله يعين كلن يشكي من هالخدم
اولا الاجهزة المفيده واللي تختصر عنك الوقت
غسالة المواعين جهاز لا يمكن استغني عنه 😍
غسالة ملابس اتوماتيك 😍
نشاف حراري 😍يقلل كمية الملابس اللي تحتاج كوي
وكلها على بعضها تكلفك بحدود سبعة الاف
طيب التنظيف قسمي بيتك جزء للضيوف ينظف مرة وحده في الاسبوع مثلا كل خميس وتسكرينه وفيه شي سويته ونفع مع غرف الضيوف وهو اني سكرت النوافذ وفتحات المكيف بلزق وسيلكون ولاحظت قل الغبار كثير 👍
غرفة النوم ممنوع التلفزيون فيها والاكل 😈ممنوع يعني ممنوع😤 بس للنوم وبتلاحظين ان التلفزيون والاكل هو اللي يجيب الحوسه لغرفة النوم وبعد اللابتوب نفس الشي اول ماتصحين رتبي مفرش السرير وخلصنا
حطي في غرفة نومك سله مناسبه حطي فيها ملابسك المتسخه او اي حوسه تطيح في الارض لحد ماتفضين وترجعين تشوفين لها حل
غرفة النوم تنظف جيدا يوم في الاسبوع كفايه
خصصي غرفة لجلوسكم واكلكم فيها التلفزيون والابتوب والعاب الطفل هاذي يوميا تتنظف 😥
الارضيه تكنس وتمسح مرة في اليوم واذا انتم تحافظون على نظافة الارضيه وطفلك صغير مايوصخ الارض مرة كل يومين كفايه
دورات المياه خصصي وحده لكم يوميا اغسليها بسرعه اللي هو مقعد الحمام والمغسله وغسل عميق مرتين في الاسبوع
باقي دورات المياه نظفيها وسكريها وكل ماشفتيها مغبره اغسيلها
المرايات بخاخ الزجاج وقطعة من بنطلون جنز
الكنب بعصا خبطي عليه ونفضيه بعد اشفطيه بالمكنسه الكهربائيه
الغدا ممكن تجهزينه من الليل واول ماترجعين كمليه
الحوش جيبو عامل مرة في الاسبوع يغسله
ولايمنع اذا تقدرين جيبي شغاله مرة في الاسبوع تنظف قسم الضيوف وتغسل دورات المياه وتسكرينها عشان يخف الشغل عليك
الله يعينك ويمتعك بالصحه والعافيه ويوفقك 🌷🌷🌷موفقه😊

• ربي يعينك ويقويك

فزورة حزورة ماقصرت يسعدها ربي
زي ماقالت غسالة مواعين وغسالة اوتومتك ومجفف تريحك مرررره
وعلى الكنب والاثاث نفضيها مرتين بالاسبوع الطياق لاتخلينها فاتحه باستمرار بس افتحيها هوية البيت وسكريها

خدامه ام ساعده تخلي البيت يلقلق

حاولي دايم الشغله االي تحوسينه ترتبينها بوقتها تجهيزك للدوام والخرجه من اليوم اللي قبل لان لو بنفس اليوم بتكركبين الدنيا وترجعين الدولاب حايس


المطبخ الطبخ حاولي تجهزين قبل بيوم او فرزني تساعدك وقت الطبخ بسرعه وماتحوسين

انت بحكم ان عددكم قليل في البيت استخدموا اماكن معينه ونظفيها يوميا تقريبا اما الباقي فاسبوعيا يكفي