اريد ارائكم للأهمية القصوى

والله مااعرف بس اخذي راي زوجك افضل

انا صار لي نفس الشي...
قبل ما اخلف....ومرة تعبت بس اتحملت في سبيل التغيير لمدة شهرين وما قدرت اكثر...
الآن عندي طفلة ولا افكر أتوظف حتى يصير دوامي في نفس دوام زوجي وبنتي تكبر...


عموما ...أهم شي يكون زوجك مشجعك... عشان ما تتعبي...

رائيه هو الاهم مب راينا نحن يا اختى جووفي ريلج شوو يقووول لج
اذا موافق والمكاان زين اتوكلي ع الله
واذا مب موافق تفااهمي وياااه

ولي ربي بيكتبه لج هوو الخييير لج

أختي استخيري..

إذا انتي محتاجه الوظيفة اخذيها كأنها مؤقت
وخلال ما انتي تشتغلين دوري غيرها يمكن
من خلال هالوظيفة تحصلين على غيرها تكون
مناسبه..

وإذا ما كنتي موظفه من قبل وهذي أول وظيفة لج
اقبلي فيها .. لأنه فرصة الموظفه من قبل أكثر من فرصة
اللي ما عمرها توظفت..

أما إذا كنتي موظفه من قبل ... اخذيها مؤقت والله يوفقج
ولاتنسين استخيري الله فيها، وتناقشي مع زوجج في الأمر
وشوفي رايه

أخواتي مشكورات جدا بس والله لسه محتاره ومو عارفة والمشكلة انوا زوجي تاركلي القرار وأنا خايفة هذا الدوام لانوا بطبيعتوا ما راح يكون في لقاء بيني وبين زوجي غير بالعطل وباقي الايام يا يمكن ساعة أو أقل أو أكثر خايفة يؤثر على حياتي الزوجية معه (وبالخصوص إني أنتظر طفل نفسي أحمل ) هون الحيرة مو عارفة وفي المستقبل يؤثر عن طبيعة علاقتنا ويخلق مشاكل بينا
دلوني الله يرحمكم