اريد ارتب حياتي ممكن المساعده؟

أختي العزيزة :كل وحدة منا لها نظام خاص فيها يناسب بيتها وزوجها وأولادها .
شوفي وقتك والأمور المطلوبة منك !!!احتياجات زوجك وولدك.
الجلسة مع أهل زوجك(متى يلتمون مع بعض).
أوقات الوجبات.
العمل اللي تسوينه يوميا.
طلعاتك.
تنظيف غرفتك وغسل ملابسكم!!!
وقت نومة ولدك.
كل هالأمور مهمة انك تراعينها وتسوين لك جدول خاص فيك .لأن كل بيت له نظام خاص فيه.

ام الخمائل ماقصرت الله يجزاها خير
اهم شي سوي جدول فيه اشياء شبه يومي تسوينها
خلي قومتك على 10وبعدماتفطرين انتي وولدك غسلي موعيناتك كان ما عندك شغاله وبعده رتبي غرفتك وطلعي حق الغداء وش بتحطين وترتبي باقي البيت
العصر سوي لك طبق وروحي للاهل تقهوي معهم وسعي الصدرك والله يشغل مايخلص بس رتبي وقتك ونظميه والله يوفقك

مشكووورت الغاليات

انا عندي خدامه وهيه تسوي كل شي وعايشه بيت اهل زوجي ماقدر اتحكم في المطبخ وايد لانه العم خدامتها ماتقصر في الطبيخ وايد حلو

بس اريد مثلا انتن اصبح شو سون ؟

وقت العصر والعشاء ؟

عشان اشووف واطبق في حياتي واشوف كيف ارتب جدوليه

بس المشكله ماعرف شو اسوي ؟

أختي اللي فهمته انك عنك وقت فراغ وتبين تستغلينه في حاجه مفيدة صح؟؟
باعطيك كم شغله وخذيهم ماخذ الجد وطبقيهم حسب قدرتك وسوي اللي تقدرين عليه منهمك
1) ادخلي حلقة تحفيظ القرآن واحفظي كتاب الله .
2).ادخلي سوق الأسهمواشتغلي عن طريق النت .
3)سجلي في دورات حاسب ولغات .
4)مايمنع وجود الطباخة في البيت انك تسوي طبختين في الأسبوع يذوقها زجك من طبخ يدك.5)اعطي ابنك أغلب وقتك واهتمي فيه جدا جدا من جميع النواحي وتكلمي معه ولاعبيه وكبري عقله.6)نظمي زيارات صلة أرحام للأهل والعمات والخالات واحتسبي الأجر.7)زوري الجيران وسوي شلة (صالحة)تجتمعون كل فترة ويكون الاجتماع في الاسبوع اللي زوجك يداوم فيه.
أرجو ان اكون افدتك؟

ام ظبية كنت راح اكتب لك جدولي اليومي يوم كنت ساكنة مع اهل
زوجي لكنك ذكرتي عندك خدامة
هنا قلت خلالالالالالالاص مالها داعي لان وقتي كان شغل في شغل
يالله احط روج قبل يجي زوجي واحيانا ماهناش اناااااااام من التعب
وراحت 7 سنوات بدون خدامة يالله يازين ذيك الايام كنت رشيقة
وعملية وحركة
وام الخمائل ماقصرت الله يجزاه خير كلامها صحيح وشكلي بطبقة
انا خخخخخخخخ من الفضاوة اللي فيني كل شئ على الخدامة
وانا فراغ قاتل

انصحك تبين وقتك يمتلئ سفري الخدامة وشوفي السعادة حتى
تحسين براحة نفسية