اريد استشيركم بموضوع زواج

السلام عليكم
حابة استشيركم بموضوع..انا كنت اشتغل قبل 3 سنوات في مكان اخر وانتقلت ...
المهم كان المسؤول الاعلى اللي كان في الجهة اللي اشتغل فيها محبوب من البنات لانه من النوع اللي يهتم بلبسه وعنده ذوق بالكلام وينشاف صغير العمر بالرغم من انه رجل كبير وعنده عيال..
المهم كان منتشر عنه بانه مطلق ولما كان يمر علينا كبنات كانو معجبين فيه ولكن طبعا امامه يحترموه ومرة بنت قالت لي بضحك ضبطيه هذا مطلق من زمان..ولاني خجولة فكنت ابتسم واسكت ومرت السنين وانتقلت لمكان اخر..يعني انا ماشفته من ستة سنوات تقريبا لانه هو نقلوه ايضا قبل لا انا انتقل من المكان.
المهم بالصدفة قابلت رجل كبير بالعمر من عملي السابق قالي كفاية متى راح تتزوجي انت عمرك 31 سنة يعني ناضجة تماما فقلت له نصيب فقالي خليني انا اتوسطت لك في الزواج فقلت لالا انا ماحب كذا ولازم اللي يتزوجي يكون هو اللي يريدني ما العكس فقالي شو رايك في فلان فانصدمت لانه هو نفسه المسؤول السابق فقلت له بس انا ماحسيت برغبته بالزواج او حتى باعجابه اتجاهي قالي هو كذا طبعه وبعدين هالمسؤولين يخافو على سمعتهم ويخاف يقرب منك وتكون ردة الفعل شينة فلو حابة اكلمه بكلمه..وبعدين لو مافي وساطة انسي تتزوجي عادي هذا خير وانا مستعد اعمله.
الحين يابنات المنتدى انا اتذكرت اعجاب بنات العمل بهذا الرجل وبنفس الوقت اخاف مثلا لو الرجال قاله شيء يكون هو مرتبط روحيا بوحدة كونه مطلق من زمان مع فارق العمر وشو راح يقوله اصلا..
ساعدوني انا نفسي اكون ام ويكون عندي بيت ومع شخص يكون عاقل فقولو لي كيف احصل على مرادي وبكرامتي وبما يرضي الله قبل كل شي