اشكرك اختى الرجية على مرورك وعلى اهتمامك.....

والرابط جميل ان شاء اللة استفيد منة جزاك الله كل الخير

يعطيك الله العافية

بالنسبه للتريكو هتكون سهله عليكى جدا لو بتعرفى شغل قطعه الواحده
ابدئى ب 140 غ واعملى سطرين باى غرزه واسلتيهم من الابره وقيسيهم على وسط البنوته وظبطى انت المقاس
كده عرفتى مقاس بنتك ابدئى من تانى واعملى 20سطر بليسيه(غ ع-غ م)
كده عملتى كمر لو عاوزاها سك عاديه يعنى اشتغلى الغرزه اللى تحبيها وانا عن نفسى عملتها بغرزة ضلع السمكه وكانت جميله ومطاطه كمان يعنى هتنفعها لسنوات عديده باذن الله وممكن تعمليها بالغرزه المطاطه العاديههتديكى نفس المط لكن ضلعلسمكه بتعمل سماكه للقطعه يعنى لو عاوزاها سميكه وتدفى استخدميه
لو عاوزاها ضيقه من فوق ثم توسع كلمانزلتى يبقى اعملى غ زياده فى بداية ونهاية كل 15سطور مرتين ثم كل 10 سطور مرتين ثم كل 5 سطور الى الطول اللى تحبيه
لو عاوزاها ضيقه من فوق وبكورنيش فوق الكبهودى طعمه جداهتشتغلى غ الجرسيه الى قبل الركبه بمقدار اربع اصابع مفتوحين(مقاس الكورنيش) ثم اعملى الاتى:
ملحوظه:لا تنسى ان الكمر ثابت فى كل الاحوال
1- 2ع معا الى نهاية السطر
2- زودى غ ع الى اخر السطر(ادخلى الابرة لعمل غ عدل ولكن لا تسلتى الغرزة من على الابرة الشمال بل ادخلى الغرزه اللى عملتيها ولم تسليتيها فى الابره امال تانى واعملى غ كمان ثم اسلتى الغرزة ع الابرة اليمنى)
3-4ع-لفه الى اخر السطر
4- كله مقلوب ولاحظى انك لازم تشتغلى اللفه كانهغ عاديه
كررى نفس السطورالاربعه مرتين كمان مع فارق ان فى السطر التالت اللى هيوافق السطر السابع هتعملى اللفه بعد 5 غ وفى المره الاخيره اللى هيوافق السطر ال11 هتعملى اللفه بعد6 غ ثم اعملى 15 سطر عدل

نصيحه منى قبل ما تعملى اى حاجه تصفحى مواضيع الغاليه ايجبت جاسيكا ويوكو هتلاقى غ جميله جدا اختارى منها اللى يعجبك:26:

http://forum.hawaaworld.com/showthread.php?t=415620 شوفى الرابط ده كمان للعزيزه الراجيه فيه جيبات كروشيه تجنن وممكن تعملى المقاس ى انت عاوزاه

السلام عليكم ورحمه الله وبركات

والله يا اختى تسنيم مش عارفة اقول لك اية.....انت الحقيقة افدتينى

واشكرك على تعاونك معى وان شاء الله اعمل بالنصيحة