اريد الحل لهذا الرجل صاحب اليد السريعه للضرب

مثل ما قالت الاخوات

الرجال ما ينفع وياه الا الرجال

خلهم يتفاهمون معاه اهلك اختى احسن وابرك واصون لكرامتك


واذا سكتى راح تكبر المشكله


كلمى اهلك عليه امك وابوك واخوانك خليهم في الصوره وانك تعانين معاه

والله يسهل امرك

كانت عندي وحده من خواتي دايما يضربها زوجها ولا تقول لاحد وبعدين لاحظنا انها مب طبيعيه جريناها في الكلام لين اعترفت سكتنا اول مره راح اخوي وكلم ابوه وقاله انه مايرضى على اختي اذا مايبيها زوجها يرجعها لبيت اهلها
ابوه قاله راح ضربها مره ثانيه بنفس الليله وقالها اذا اخوج الكبير رجال ليش ماكلمني ليش راح لابوي اخوي سوى جذي لانه دايما مع ابو زوج اختي دايما يشوفه وما كان يبي يكبر الموضوع
لما جات عندنا الاسبوع اللي بعده كان وجها متغير تمت امي وراها لين ماعرفت انه زوجها ضربها مره ثانيه امي عاد هالمره قالت حق اخواني وابوي وواحد من خواني كان موجود في البيت وهو من النوع الهادي جدا بس اذا عصب الله لا يراويكم :30: فقام اتصل زوج اختي يبي يكلم اختي رد عليه اخوي وقاله هات ولي امرك وتعال انت مب رجال :o الرجال مايمد ايده على زوجته المهم تلاسنو وصك اخوي التلفون بوجه زوج اختي قام زوجها على طول ركب سيارته وجانا البيت معصب يبي يتخانق مع اخوي اول ماشافه اخوي على طول استلمه بدون مقدمات وقاله تعال اوريك الضرب يوجع ولا لا :30: :22: ضربه ضرب بصراحه اختي كانت خايفه يكبر الموضوع اكثر بس هو يستاهل وبعدين وصل ابوي واخوي الكبير وحد يضرب وحد يحاول يفكهم من بعض :22: صج المفروض ماكان اخوي يضربه بس بصراحه زوج اختي جدا وقح وشايف نفسه كلمناه كذا مره مافي فايده حتى اهله كلموه وتصدقون نفع معاه هالاسلوب اللحين مايتجرا يمد ايده على اختي ولو حاول اختي تقول شنو تبي تضربني هاك تلفوني اتصل على خواني وقولهم شتبي تسوي :07:
المهم انا اختي ماقولج خلي اخوانك واهلك يضربونه بس خليهم يكلمونه ترى حد من الرجاجيل عينهم قويه ولا يستحون بس يخافون ومافي اهل يرضون ان بنتهم تنهان :27: خليهم يكلمونه اول مره مانفع يهددنوه انهم بياخذونج منه وانتي لا تسكتين ترى مشكلة اغلب البنات يسكتن على اول كف وبعدين هات ياتلطيش خلاص الرجال تاخذ ايده على وجهك وجسمك بس لو ماسكتي له اول مره كان ماعادها :07:

مع اني مافهمت نص الحجي بس فهمت انه يضربج
المهم انا وحده من رفيجاتي قالت لي مره ان ريلها يضربها وكانت تبي الحل قلت لها من يضربج
على يدج لفيها او جبسيها وسوي روحج متالمه حيل خليه يشوف سواته او تميرضي وسوي روحج بتموتين وماتقدرين تتحركين ....او انها تعري بالمشي يعني تسوي روحها ماتقدر تمشي والريال شاف ان المراه الي اهي صديقتي على طول معلله وخاف عليها والحين صار يحاسب لها ولايمد يده وهم الدموع بسكات تسوي العجايب وتحرك قلوبهم الحجر جربي وانشاءالله تنفع