اريد المساعده......

السلام عليكم...
كيف حالكم بنات ؟؟؟؟؟؟؟:42:
وحشتوني وااااااااااااااااااايد
وانا من زمان مادخلت على المنتدى
المهم مابي اقبلها حزن ودموع:42:
انا عندي شبه مشكله....

انا مشتركه في منتدى فلاني ودائما اكتب مواضيع
المهم
كان واحد من الاعضاء كاتب موضوع بان صاحبه اسمه احمد واحمد ولد تتمناه اي بنت ويشتغل بارامكو ويحب اهله واااااااااااااااااااااااايد يعن ي الولد لقطه على قولتهم

المهم
هذا احمد كان خاطب واحده وضلوا مع بعض لمده 8شهور مخطوبين بس بعدين ام البنت صارت تتدخل في كل شي والبنت مثل الطفله مالها كلام مع انها دكتورة وعمرها 22 سنه
المهم
كان احمد في الحلاق يحلق علشان يروح لخطيبته الا امه داقه عليه وقالت له ان البنت ماتبيك الولد انجن وعلطول راح يدق على خطيبته بس البنت ماترد بعدين راح لامه يترجاها انها تدق وتسال وش صاير ورد عليهم الاب وقال لهم ان بنتي ماتبيك ودز لها ورقه الطلاق وام البنت من النوع الشراني الولد مسكين من الصدمه مادافع عن البنت اللي حبها وعاش معها 8 شهور وطلقها وبعدين جلس سنه كامله محطمه نفسيته وتعبان وبعد كذا قال لامه انها تخطب له بنت بنفس المواصفات اللي يبيها وفعلا الام حصلت البنت وراحت بتخطبها له بس الاهل ماوافقوا على اساس انه فاصل خطوبه وبعد كذا
الولد تعرف على بنت وحبها وطلع معها وقال لامه تروح تخطبها له والام راحت
تخيلوا
ام البنت قالت لام الولد ان بنتي مخطوبه وباقي على زواجها شهر :( الام انصدمت وانحرجت وراحت قالت لولدها كيف تحب وتكلم واحده مخطوبه الولد ماصدق لان البنت ماقالت له وكذبت عليه وانحرج وماقال شي لامه من الفشيله......
وبعد كذا الولد كلم بنت ثانيه واعجب بها وكان صادق معها في كل شي يقوله ولكن البنت كانت كذابه كل شي قالته كذب وراحت الام المسكينه تخطبها وتطلع لك البنت بشعه :eek: واهلها وسخين درجه اولى يعني البنت مافيها شي عدل...
الولد مسكين تعب نفسيا وجاله قولون عصبي طبعا الولد من النوع المتفتح يعني عادي انه يروح يقول لامه انا احب فلانه واخطبيها لي وهو من النوع اللي يبي يحب ويتزوج اللي حبها
المهم هذا الولد اللي كتب الموضوع يبي يساعد صاحبه احمد ويرجع له ثقته بنفسه بس مو عارف ويبي المساعده
انا يوم قريت القصه صرت اناقش صاحب الموضوع واحاول اساعده
بعد كذا صار يرسل لي على الخاص
وكان الولد جاد ويبي احد يساعده ويقدم له نصيحه
المهم
الولد
اعترف لي بانه هو صاحب المشكله وقال لي باسمه الكامل طبعا الولد من ديرتنا
وقالي اذا تعرفين بنات كويسين قولي لي عليهم وانا بنفسي باخطبها وماابي احرج امي مرة ثالثه
وقال لي عن مواصفات البنت
واغلب المواصفات فيني
طبعا انا ارتحت للولد كثييييييير وحسيت انه هو اللي انا اقدر اعيش معاه وافهمه
فقلت له عني بس بطريقه غير مباشرة بان عندي صديقه نفس المواصفات واسمها .......وكل شي عني
بعدين هو قالي ابيك توصلين للبنت اللي هي انا شخصيتي ويفضل اني اكلمها على المسنجر
انا قلت مابي اكب على الولد اكثر فاعترفت له بان البنت اللي قلته عنها انا
المهم
بعد اسابيع تعرفنا على بعض عبر المنتدى
بس هو خايف اني اطلع من البنات اللي كلمهم وكذبوا عليه.وهذا من حقه انه يخاف
وطلب مني اني اكلمه على الجوال علشان اذا ارتحتنا لبعض بيخطبني بنفسه بس انا رفضت
الولد الح علي وكان جاد في كلامه وحلف لي انه اذا ارتحنا لبعض بيخطبني
انا وافقت وكلمته وتعرفت عليه اكثر وفهمنا بعض
وبصراحه انا حبيته
الولد خايف انه يخطبني مثل ماخطب البنت الثانيه اللي طلعت بشعه فانا قلت له عن مواصفاتي بس هو موراضي يصدق يقولي البنات كذابات وانا حبيت بنتين وكذبوا علي مو مستعد اتعب واحب مرة ثالثه واتعب اكثر
انا قلت له تعال بيتنا واخطبني وبتشوفني
بس هو كان رافض
يقولي انه يبي يخطب وهو واثق من كل شي مايبي يحرج نفسه ويحرجني قدام اهلي
وطلب انه يشوفني بس انا رفضت :( وزعلنا من بعض لمده اسبوعين
والولد جاد في كلامه بس انا ضميري مايسمح لي اني اسويها
بس
سويتها امس
طلعت معاه بالسيارة وتمشينا وسولفنا وشاف بس وجهي
وارتاح لي اكثر ....
انا للحين ضميري يانبني على اللي سويته بس الغلط صار وانتهى
الحين
انا ابي افتح الموضوع مع الولد بس استحي اقوله تعال اخطبني فشيله
وهو قالي اذا تعدلت اوضاع بيتهم بيقول لامه لان ابوه دائما يهاوش امه وبينهم مشاكل وقال لعمته ان في بنت عاجبتني وابي اخطبها قالت له اذا البنت متربيه ومافيها شي ليش لا وقال لها اسمي الاولي
وبعدين عمته انشغلت مع زوجها وولدها وسافروا
والحين هو صاير وحيد :(
امه تعبانه وعمته مو فاضيه وهو يبي يقول لامه علشان تسال عني وهو يجي يخطبني
بس ماادري وش فيه الولد
احسه للحين يتذكر خطيبته القديمه وزعلان لانه فك الخطوبه
حتى يوم طلعت معاه بالسيارة كل شوي يتذكر الاشياء اللي بينه وبين خطيبته وويقولها لي انا صحيح اتضايق لما يتذكرها بس انا احاول انسيه اياه بس مو عارفه كيف ؟؟؟
وانا ماابي اكلمه اكثر علشان ماتصير مشاكل ابيه يخطبني بسرعه وهو مايبي يستعجل بالموضوع لانه خايف يصير له شي ثالث ويعقده اكثر مماهو متعقد وخصوصا انه دائما يتعب من القولون ويغمى عليه ونفسيته تعبانه
وانا محتارة وش اسوي ؟؟؟؟؟؟؟
:(
واستحي اقوله تعال اخطبني
بنات بليز ساعدوني
انا صحيح غلطت يوم كلمته وطلعت معاه بس بني ادم مومعصوم من الخطا
ابي حل ؟
ساعدوني
انا اختكم الصغيرة
انا كملت 19 وداخله 20 والولد عمرة 25 سنه
تحياتي