اريد الموت بسلام ... بعيد عن دنيا وناس جاروا علي .. حسبي الله ونعم الوكيل

ارجوكم ساعدوني ..

انا عمري 21 سنه وانا يتيمه الابوين ولي 6 سنوات متزوجه من شخص منذ البدايه لا اريده ابدا ابدا ابدا
تقدم لي قبل وفاة ابي ورفضه قال لنا انه عمره 27 سنه في البدايه
وعنده عمل ودخل عالي .. وطبعا رفضه ابي والاسباب مجهوله بالنسبه لي ولكن اعرف انني كنت صغيره جدا بالعمر
وبعد وفاه امي وابي تقدم لاخواني من ابي ... وقد كانوا وما زالوا حقراء ويكرهوني بشكل ابدا مش طبيعي ..
وعندما كنت عندهم ضرب وتحقير وتعذيب منهم ومن زوجاتهم :44:
المهم بعد وفاة ابي بثلاثه شهور تقدم من جديد ولكن لاخواني وبالذات لاكثر شخص فيهم يكرهني ويئذيني ..
انا طبعا رفضت لاني كنت صغيره 14 سنه وثانيا علشان حتى الدموع لسه ما جفت من عيوني على ابوي ..
طبعا بسبب رفضي اكلت علقه ... ولكن بعد قرابه الشهر
جاني هذا الاخ وقال لي انت الان في ذمة رجال :06:
ويوم الخميس الجاي رح ياخذك
حتى ما سوو لي لا فرح ولا عزومه ولا شيء حرموني من اليوم اللي لازم يكون احلا ايام العمر :44:
كنت احلم مثل اي بنت بالفستان الابيض والزفه والعرس ......... ولكن لاااااااشيء :icon36:

حتى بدون ما يسألوا عنه وبدون اي شيء اهدوني له وطبعا حتى المهر كله اكلوه ..
عرفت بيوم الزواج انها زوجت اخي اللي راحت ووقعت عني على اساس انها انا !!
ومن اول يوم اكتشف انه من يومه كذااااااااااااب .... وبمباركة اخواني من ابي ..
عمره 50 سنه بالاسم مهندس معماري ولكن بالاصل لا عمل ولا مشغله ..
لا جهز بيت ولا شيء ...

المهم في ليله الدخله لاول مره يعتدي بالقوه لم ينزل دم .. الغشاء مطاطي
وطول الوقت يعتدي علي بالضرب المبرح والتحقير والشتم على وعلى عرضي :44:... والى يومك هذا

وفجاه طلع على كلام انه في جني واني مسحوره وعندي سحر وما ادري من هذا الكلام وانا ما في الا العافيه ..
علشان الناس تعذره على اللي يسويه فيني ..

اطبعا لا بيت ... وطبعا طول الوقت شقق مفروشه .. على الاغلب او النوم في السياره وتحت الشمس والحر
ولا ابالغ ان لو قلت انه طوال 3 سنوات اغلبها قضيتها في السياره حقته :44:
وطبعا طول الوقت يتكلم على وعلى عرضي ويقول خساره فيكي عشة دجاج .. لمن اطالبه يسوي لي بيت ..!!
حملت بنتي وصارت لي مضاعفات مثل الحساسيه وتخيل كيف حساسيه مع حراره وشمس .. ياويلي
وقبل ولادتي رماني عند ناس ما اعرفهم وراح سافر يتمشى الاردن وسوريا ومصر وانا ولدت لحالي عند ناس ما اعرفهم
ولاده قيصريه .. وياليت جا بكلمه كويسه لااا كله ضرب وشتم وكلام سيء وحتى خيوط العمليه في بطني :44:

كان يمسك بنتي اللي عمرها شهر ويطلعها بيده ويهددني انه رح يرميها من الشباك لو ما بست رجوله
مسكتني حى نفاس طول الفتره ولا حتى اخذت علاج بصراحه كدت اموت وياليتني متت وارتحت من هذه الدنيا اللي سرقت مني امي وابوي ورمتني لناس ما تخاف الله

وبعا انا لا اريده لذلك هو دائما من اول يوم يغتصبني اغتصاب ويعذبني ..

حملت بولدي وانا لسه طالعه من حمى النفاس والتعب الولاده وطول الوقت يضربني وانا حامل ويتهمني بعرضي وبشرفي ويشتم امي ويقول عنها كلام بذيء .. وحتى ابي ما سلم من لسانه ..... ومااااااااااا يصرف علينا لذلك مرات اضطر اني استلف من المحلات القريبه فلوس اجيب لاولادي حفايض وحليب لمن هو يرفض يشتري لهم

صحيح انه صرت في اغلب الوقت في شقق مفروشه الا اني تعبت نفسي اكون مثل اي وحده في العالم عندي بيت لي ولاولادي ... وزوج يعوضني طعم العائله اللي فقدته :44:

لمن يصير شيء مثلا فقع كفر السياره او سوى حادث مع احد على طول يتهمني ويقول الجني اللي في سوى كذا !!!!!!!
او حتى خلص رصيد جواله .. على طول يحط الاتهام على ويقهرني

طبعا يوميا ملخص كاااامل يقدم لسياده امه .. عني ومع شويه كذبات وبهارات من قبله ويظهر نفسه بموقف المظلوووم المسكين وانا الظالمه اللي انا مجرمه وقتاله قتلا .. علشان لو قلت لها شيء ما تصدقني

بصراحه انا من النوع اللي امشي جنب الحيط وما لي في المشاكل مع اني دائما تجري وراي وتتلزق فين
ماعندي ثقه بالنفس ابدا ولا عندي حركات لف ودواران ولا شيء .. مع اني بشهاده كل انسان يشوفني جميله جدا

حتى جوال ما جاب لي ..
المهم تعرفلت على وحده كانت ساكنه معي في احد الشقق وعلمتني كيف استخدم الكمبيوتر .. وكيف اجني بعض المال منه
تعلمت وعطتني هي راس المال اللي شريت فيه اول جهاز كمبيوتر لي .. اللي له معي الى الان سنتين محافظه عليه
وبطاقه كنكت .. انا مع الوقت صرت اجيب مرات 700 ريال شهري 350 منها تروح على الكنكت
350 الثانيه .. تروح حفايض وملابس لاولادي بما انه ابوهم بس بالاسم ما يصرف عليهم تماما .. الا فيما ندر

اقسم انها الملابس اللي على تضل شهر وزياده اغسلها والبسها على طول وهي مبلوله وما اغيرها لانه ما عندي غيرها .. لمن اقدر اجيب 15 او 20 ريال اشتري جلابيه جديده 350 ما تكفي لي ولاولادي

اخواني لي 6 سنوات ما اعرف عنهم شيء ولا ارقامهم ولا يعرفوا عني اي شيء .. اسمع انهم كلهم شروا لهم بيوت وعاشوا في تركيا .. وانا هنا لحالي ما حد يعرف عني ولا يسال عني .. والاخ ماخذ راحته على الاخر معي :44:
انا اكتب وعيوني ما تشوف الكيبورد من الدموع .. اتمنى اني اون مثل اي انسان في هذا العالم ..

نفسي اشوف اولادي احسن ناس ولابسين احسن ملابس وعندهم كل شيء
نفسي البس واتكشخ مثل البنات اللي في عمري ..
نفسي يكون عندي بيت وما رح اطلع منه ابد اكره وزوج يحن على ويحترمني احبه ويحبني ..
نفسي يكون عندي اب وام يحنوا على ويحموني من عالم جار على الضعيف
واخ لمن شيء يغزني اقول " اخ " يحبني ويقدرني ويجبر الناس انها تحترمني
نفسي تكون عندي شخصيه مثل العالم ..


حسبي الله على من ظلمني .. حسبي الله على من ظلمني ...
صرت اشك بكل شيء حتى بنفسي ..
انا على بوابه الجنون من زوجي ومن اخواني ومن الدنيا اللي سرقت مني وجارت علي هي واللي فيها ..

اسالكم بالله هل ما زال في الدنيا ناس كويسه !!!

حسبي الله ونعم الوكيل