اريد النصح منكم لا تتركوني

حبابي والغاليات على قلبي بنات حواء انا في حيره من امري وما لقيت حدى رح ينصحني صح غيركم بنات ما بدي اطول عليكم بالكلام بس اتمنا انكم تردوا علي .
الموضوع و ما فيه انه بشهر 12 اتقدملي شب ماكان في المواصفات الي بحلم فيها لاكني حاليا ارتبطت فيه وحبيته واقتنعت فيه وصرت ما اقدر تخيل يمر علي يوم من دون ما احكي معاه صحيح انه في مرات براودني الشعور القديم بانه مش الزوج المناسب لاكن برجع وبقتنع فيه واكثر من مرة تسير مشاكل قد تؤدي للانفصال بينا لاكني ما اقدر ابعد عنه .
المشكلة قبل فتره وصلني ايميل من بنت كان في بينهم علاقة زمان قبل 7سنين هو بحكيلي انه علاقتهم صداقة مش اكتر وهو ماحبها ولا عمره عمل معها اشي غلط حتى ايدها ما مسكها اونه كان حاسس انه بعمل غلط عشان هيك سابها على سبب تافه اما بالنسة الها بتعتبره انسان غدار ما اله امان بتخلى عن الناس بسهوله انا صدقته وعملت حالي ناسية كل هاد الكلام بعد ما عاتبته وتزاعلنا واليوم الثاني بفتح ايميلي لقيتها بتبعتلي مرة تانية وفي كتير من كلامها تناقض ومبين عليها انها بدها اتخرب بس الي لفت انتباهي بتحكي انها سمعت عنه كلام اكتير قبل ماتتعرف عليه واسالي عن ماضية. انا سالته وياريتني ما سالته طبعا هو ما حكالي اشي يومها واليوم التاني انا خلص نسيت الموضوع ورجعت احكي معاه طبيعي .الا هو بحكيلي مش انتي سالتني عن الماضي وحكالي ماضية انه كان عاق اكتير لابوه وامه وانه هرب فتره من البيت وانه اشتغل في بار فتره بس ماعمره شرب سكر وانه اعتقل مرتين مرة نص يوم ومرة يوم كامل على مشاجرات مع شباب وانه باع اسلحة .
هو تاب من زمان عن هاي الامور كلها وهو ملتزم بالصلاه وكتير بحسة مؤمن يعني كانت تمر ازمات عليه يكون ثابت فيها ويتوكل على الله وخجول مع البنات هاد شفته من معرفتي فيه وخدوم مع الناس وكلهم بمدحولي فيه وماعمرة تمادى معي بكلمة او تصرف غلط وبخاف علي و بحبني اكتير وهلا مرضي لابوه وامه . هو بحكيلي انه هاد ماضي اله سبع سنين يعني من ايام المراهقة وانه تاب عليه ومش ممكن يرجعلة وسافر من البلد عشان ينساه وماكان مجبور بخبرني لو ماحكالي كان مستجيل اعرف لانه اهله ما بعرفوا والا البنت اصلا انا واثقة فيه بس مش عارفة اخد قرار وهلا تاركلي فتره اسبوع عشان اخد قراري اعيش معاه او لا