اريد انتحر ☹️✋🏻

السلام عليكم حبيباتي
انا عمري ٢٤ سنة متزوجة اعاني من مشكلة بحياتي وهي الكتمان مااحب افضفض ابد حتى اني اشوف الكتمان شي حلو كثير لكن ..!
عانيت بشكل وتعبت نفسياً الى حد ماوصلت للانتحار شفت الانتحار هو حلي الوحيد ومخرجي من هذي المعاناه ومن هذي الدنيا بشكل عام
انا من يوم كنت طفلة اتعرض احيانا من امي او خواتي انتقاد ومهزلة قدام الناس منهم اللي يضحك ومنهم اللي يقدر وكأنه ماشاف شي تعذبت خاصتاً من امي كانت توبخني دايماً شخصيتي صارت ضعيفه بفضلها هذا طبعاً من غير الضرب كنت كل يوم اصبر نفسي واقول اني بأتزوج وبنسى هالايام المهم صبرت في هذا السجن لسنين الى حد ماجا النصيب سألو عنه اهلي وقالو كفو ومن هالكلام المهم استخرت ووافقت جات النظرة الشرعية وشفنا بعض هوه وافق وكلم اهلي ومبسوط لكن انا ماارتحت له ابد مابية يا ان جاتني ضيقه بصدري الى يومكم هذا ماتبعد عني طبعا عندنا عيب ان البنت ترفض بعد النظرة الشرعية لان ميزة الرجال مو بشكله برجولته كلمت امي اني مابيه ولا ارتحت له رفضت وقامت تدعي علي وسكت ووافقت رغم اني مابيه جات الملكة وكل اللي حولي فرحانين وانا حزينه حزينة بشكل لكن ماوضحت للاحد ولا قلت لاحد كتمتها بصدري اساس المشكلة بيوم الملكة هوه بجنبي مافيني اي شعور تجاهه كانه اخوي او اي احد يعني ماجاني شعور انه كازوج لي رغبه فيه لا مابيييه ابد بعدها جلسنا عدة اشهر وهو يكلمني بالجوال وانا مالي خاطر فيه بعدها تزوجنا بذاك اليوم يوم زواجي تمشكلت انا وهوه من سوا مافيني من ضيق كمل ع الباقي انزفيت هذيك الليله وانا فيني من الحزن مايعلمة الا ربي لدرجة اني احاول امسك دموعي لاتنزل ماشفت احد رغم الحاظرين كثير وزحمة الا اني ماشوف احد ضيقتي بصدري وحزني كبير سريت معه "وكأني طلعت من سجن ليا سجن " متكدرة وحزينه بشكل الشي اللي غابني انة مهما سوا فيني مايتحرك فيني ساكن مالي اي رغبة فية ابد المهم وجلسنا فتره وانا مير اجامله رغم اني مابية وطيبة معاه بقوة حتى اوفر له كل مايبي واقتصاديه معه بكثير يعني سعيد معي بالمره يرجع من العمل استقبله بابتسامه رغم مافيني لكن بهالفتره لاحظت فية شي اغلب وقته ع جوالة واذا جيته يتضايق مني "هوه مايقول لي بس انا لاحظت " وللمعلوميه اني مافتح جواله مرت فتره وكان مسافر وخلال رجعته كان مشغل شيلة بالسناب ماتذكره بس اللي فهمتها انها تتكلم عن الشوق وانه فاقد ووكذا جا ببالي سؤال شلون مشتاق وهو عندي مشتاق لمين !!؟
وللمعلوميه مو مهتم معاي بموضوع الشيلات ورسايل الحب هذي المهم رجع وسألته عن هالشيلات تلخبط وصرف اتضح لي ان وراه شي سكت معاد جادلته ويوم نام فتحت جواله ولقيت الفضايح 💔😭
كم انقهرت منه وكم كرهته انا المسكينه اللي اتعب عشان اراضيك وهوه يخوني حتى اني اكون اقتصاديه معاه وهوه يخوني اللي يقهر بالموضوع انه يراسل بنات يقول عادي لو اعطيك بالليل ١٠٠٠ ريال واللي يقول لها ناقص عليكم شي والله اني مقصر معاكم ومن هالكلام ي كم حقدت عليه مع ذلك مادعيت علية لكن جفيت عليه بشكل كبير جدن رغم انه طيب معي مصاريف صارت كثيره ابي وابي وابي...
رسمية معة جدن كلمة ورد غطاها حتى لاحظ وقام يسألني انتي وش فيك اقله ولا شي "ماعلمته لاني اذا درى اني ادري وانا ساكته بيتمادى ولا رح يفكر اسكت بالقليل يهابني " لاحظت بدا يلاحقني بس كارهته مابيه مابي حتى اسمع صوته الحين المشكلة مو في خيانته وبس المشكلة في قلبي اللي معاد يبيه المهم كنت ابي اتطلق وافتك منه كلمت امي ورفضت قالت لا هو طيب والرجال حالياً غالبيتهم كذا وسمعتنا بتخرب ومدري بتتزوجين بعده او لا الحقيقه انها ماتفرق اتزوج بعده اولا ماهمني لكن المشكلة بعد الطلاق وين اروح لبيت اهلي.!
ارجع للجحيم اللي كنت فيه! مدري شسوي انا اهج منهم واتركهم ع كذا قلت الانتحار افضل حل لاني اذا هربت بيمسكوني




تكفون ي بنات ساعدوني دخيلكم وربي متعذبه موت 💔😫😭اعطوني حل اخرج من هذي الكآابة هو انا احب اني اعيش بس مو في هذا الجحيم للمعلوميه انا ماني مقصره مع زوجي ابد لكن الواطي واطي لين يموت والشي اللي يقهر انا لو احبة بصبر عليه لكن ماابيه ولا اطيقه ☹️ وبس اتمنى تفيدوني..!