اريد ان ابتعث ولكن.............

حياك الله اختي

بالنسبة للتمريض في امريكا معادلة المواد صعبة شوي .. وبرضو يطلب منك تكون عندك رخصة في التمريض من امريكا عشان يعترفون بدبلومك .. وعشان تاخذينها لازم تختبرين اختبار في التمريض اسمه nclex .. اقري عنه اكثر بقوقل

بس حطي في بالك ان معادلة المواد جداً صعبة يعني كثير منها راح تعيدينها حتى لو درجاتك اوكي..

راسلي الجامعات وكلمي مديرة البرنامج بكل جامعة وخذي التفاصيل .



بالنسبة لكندا لا تفكرين فيها للتخصصات الطبية نهااائي ,, لأن ماراح يعترفون بالشهادات الاجنبية ابداً .. وحتى القبول للاجانب بالتخصصات الطبية جداً صعب وغير مسموح باغلبية الجامعات .


بالنسبة لنيوزلندا غالباً راح تحذف عنك سنة الفاونديشن بس او المواد العامة فقط ويبقى لك يمكن 3 سنوات .


بالنسبة لبريطانيا اللي اسمعه ان جامعاتها تعادل المواد ,, وبامكانك تراسلينهم وتقدمين عليهم ..راح يرسلون لك اذا انقبلتي عرض فيه تفاصيل المواد اللي تمت معادلتها وكم يبقى ..وانتي لك الحرية في قبوله او رفضه وممكن مناقشتهم فيه .

لكن مشكلة بريطانيا انه اوقف الابتعاث لها حالياً


اما بالنسبة لاستراليا برضو تعادل المواد وقبولها سهل ويمدحونها بالتخصصات الطبية.. ممكن تلاقي جامعات تعادل سنة ويبقى لك 3.. اوجامعات تعادل سنتين ويبقى لك سنتين وهذا الغالب.. وتكلمينهم وتناقشينهم في المعادلة احتمال يوافقون يعادلون اكثر.

..ممكن تقدمين على اكثر من جامعة معتمدة بتخصصك وبعدها تختارين افضل offer يجيك منها كلها ..


والمشكلة برضو احتمال كبير انه استراليا ماتكون مطروحه للابتعاث السنة لأنه راح يقفل باب الابتعاث لكل من استراليا وبريطانيا ونيوزلندا مثل ما قرأت ..

لكن اذا ظلت مفتوحة نصيحة لا تبعدين عن استراليا وبريطانيا .. اذا كانت معادلة المواد تهمك والقبول بدون تعقيدات كثيرة ..

والا الحل الوحيد بيبقى امريكا وتحاوين قد ماتقدرين تنجحين بالاختبار باعلى درجات وتشدين حيلك بالمواد العامة الاساسية والمتطلبات كلها لأن المقاعد محدودة والمنافسة شديدة.




... بالنسبة لاكمال الطب ..انصحك في اكمال البكالوريوس اول وبعدها تقدمين عالطب كـ خريجة Graduate entry

...لأن الطب في امريكا وكندا يتطلب شهادة بكالوريوس قبل في احد العلوم بمعدل عااااالي ..+ اختبار الـ MCAT بدرجة ممتاااازة عشان تدخلين المنافسة.

وفي استراليا نفس الشي فيه برنامج بكالوريوس طب وجراحة لخريجين البكالوريوس مدته 4 سنوات.. لكن برضو مو سهل ابدا لازم تعدين وتحضرين للاختبار الـ MCAT او الـ GAMSAT .. وتجيبين اعلى درجة وتجتازين المقابلة الشخصية .. والمقاعد بالمررررررة محدودة



... اما اذا ودك في الطب مباشرة وبقبول مضمون عندك الدول اللي مثل هولندا وبولندا وايرلندا .. الدراسة فيها غالبيتها بلغة البلد والقبول بعد انهاء المواد العامة ..ومدتها اظن 6 سنوات تقريباً.


ان شالله اكون افدتك ولا تنسيني من دعاءك :) انا لسا ادرس بكالوريوس علوم طبية اشعة وودي اكمل طب بعدها برضو اذا ربي اراد
الله يعين ويسهل

بالتوفيق

مشكوره حبيتي على الرد والله يوفقك
بس حبيبتي شوي ابتعبك معي
معادلة المواد مو ذاك الاهميه بس المشكله عندي في العمر لان فيه واحده قالت لي انو اكثر من 27 سنه ماراح تقدري تكملي طب او تحولي من تخصصك
اما استراليا ونيوزلاندا راحوا لها كثير من زميلاتي بس مكانك سر مافيه تحسن لابالمستوى او اللغه وهذا مخوفني كثير انا ودي احسن نفسي سواء في اللغه او المستوى
بريطانيا راسلت كذا جامعه لما يعرفوا اني سعوديه مايجيني رد
كندا راسلت وكتبوا بعد 7ايام الرد وانا على اعصابي ودي انهي اوراقي بسرعه
امريكا امي متخوفه من الوضع وانا متخوفه من نظرنهم للحجاب
واسفه كثرت الاسئله
والله يعطيك العافيه ويرجعك لاهلك سلامه غانمه

العمر حبيبتي يمكن يكون مشكلة في برنامج الابتعاث لأن اظن انهم محددين للبكالوريوس عمر مايزيد عن 22 سنة ..
بس ماادري للان لسا مافتحوا بعثات الدبلوم ولا اعلنوا عنها ,, البعثات القادمة لطلاب الثانوي والماستر بس .. لكن انتظري لما يعلنوا عن بعثة الدبلوم.

لكن العمر بموضوع الدراسة مرررة ماله علاقة الجامعات الاجنبية ماتدقق ,, خصوصاً بامريكا واستراليا وهذي الدول ..لأن اول شي النظام يمنع التفرقة العنصرية عالعمر او الجنس او العرق او الطائفة .. هذي قوانين الجامعات في القبول

وشي ثاني ترا كثير من اللي يدرسون طب وتخصصات طبية عمرهم كبير لأن الاجانب اول شي يدرسون بارت تايم ويشتغلون ويقضون وقت طووويل الى ما يجمعون المصاريف .. ثانياً لان المتطلبات كثيرة وقبول الطب زي ما قلت لك بامريكا وكندا يتطلب وجود شهادة بكالوريوس اول .


بالنسبة لموضوع التحويل مباشرة من تمريض لطب ما يصير هالشي ,, يعني اما تتخرجين بكالوريوس وتقدمين طب بشهادة البكالوريوس ..وهذا الخيار الوحيد في امريكا وكندا

او تتركين التمريض وتقدمين بالثانوي عالطب في استراليا (وقبول الطب للثانوية مرررررررة صعب كل اللي راحوا مانجحوا وحولوا )

او تقدمين بالثانوي طب في هولندا او بولندا او ايرلندا .

او بشهادة البكالوريوس طب للخريجين في استراليا.

هذي الخيارات اللي عندك.


وبالنسبة لقبول الجامعات ماله علاقة كونك سعودية ولا مسلمة ولاشي بالعكس الحمدلله انا مقدمة جامعات امريكية وبريطانية واسترالية والحمدلله انقبلت فيها كلها

والسعوديات يدرسون في كل مكان


وحكاية الحجاب المنتدى ملياااااان منها .. اقري تجارب الاخوات وراح تستفيدين


وبالنسبة للغة لأ كلام زميلاتك مو صحيح ,, يمكن لهجة الامريكان اسهل من لهجة البريطانيين والاستراليين شوي ..لكن فترة بسيطة وتتعودين عاللهجة .. وتعلم اللغة ماله علاقة بالبلد اللغة تعتمد عالشخص نفسه





واستخيري قبل كل شي
موفقة

مشكوره حبيبتي على وقتك
انا موظفه بوزارة الصحة عشان كذا ابتعاثي راح يكون عن طريقها مو من وزارة التعليم العالي وابتعاثنا مفتوح للدبلوم بس انا افكر انو بعد البكالوريس اني اكمل طب مو تمريض علشان كذا ابغ اروح جامعه يكون المجال فيها مفتوح للاكمال
اول كانت وجهتي كندا بس على مافهمت منك انو مايقبلوا من خارج كندا
وبريطانيا فيه مشكله حاصله الوقت هذا انو ممكن ندرس بس مايكون لنا تدريب في المستشفيات !!!!!
انتي بما انك مجربه ايش تنصحييني
ولكي شكري

اها حلوو كذا دام موضوع البعثة مافيه مشاكل يعني عندك خيارات كثيرة

زي ما قلت لك كندا شيليها من القائمة اعرف ناس راحوا وندموا لأنه مرررة صعب الوضع هناك للاجانب بالتخصصات الطبية.

فـ خياراتك ما بين امريكا واستراليا وبريطانيا

امريكا راح تطلب منك اما تعيدين الدراسة من الصفر او تجيبين الرخصة تبع التمريض وتحسب لك عدد من ساعاتك,,
ماادري عن سهولة هالموضوع من عدمه ,, بس اذا ماعندك مشكلة بيكون تمام

وبريطانيا واستراليا راسليهم وعبي الاوراق وارسلي ترا ماراح يكلفك شي التقديم باغلب الجامعات مجاني او برسوم ماتتعدى 100$ مع تكاليف الارسال

وبناء على العروض اللي تجيك اختاري الافضل وحددي اللي يناسبك

وبالنسبة لموضوع التدريب بصراحة ماسمعت هالشي لي قريبة هناك ما قالوا لها شي عادي ,, بس مااشوفه شي مرة مهم عادي لو اخذتي تدريبك بالسعودية - بس راسلي الجامعات بنفسك وتأكدي


نجي لموضوع الطب بعد البكالوريوس..

الطب في امريكا يحتاج انهاء متطلبات معينة يعني مواد تاخذينها مثل الرياضيات بمستوى معين والانجلش وفيزياء وكيمياء وغيرها .. يعني مواد عامة ولكل جامعة متطلبات مختلفه عن الاخرى ,, واحتمال ما تحسب لك اللي اخذتيهابالسعودية لأن المحتوى مختلف ..

غير ان بعضها تشرط انك تكوني دارسة عالاقل سنة في امريكا .


وهذي المواد ينقال عليها prerequisite .. والمرحلة pre-medicine

وبعد ماتنتهين من هالمواد بمعدل عاااالي جداً تختبرين الـ MCAT وتجيبين درجة ممتازة ,, والاختبار يتطلب خلفية قوية في الفيزياء والكيمياء والاحياء واللغة الانجليزية يعني يحتاج فترة للاعداد او بامكانك تاخذين كورس تحضيري في معهد كابلان

ولاتنسي ان المنافسه جداً قوية..

...

بعدين موضوع الطب باستراليا للخريجين الحلو فيه انه مايتطلب مواد معينة بس مجرد شهادة بكالوريوس باي تخصص بمعدل عااالي واختبار الـ MCAT الامريكي .. او الـ GAMSAT الاسترالي كلها مقبولة

المشكلة في استراليا ان العدد اللي ياخذونه جدا قليل ومحدود يعني كل جامعة تاخذ 10 او 20 طالب اجنبي من مئات المتقدمين من كل دول العالم

..

واخيراً بريطانيا مااعرف عن الطب فيها بس الكل يقول صعب جداااااااااا

..

ويبقى عندك خيار ايرلندا مثلا - الدراسة بالانجليزي والقبول لاعلى معدلات في اختبار الـ GAMSAT على حسب توفر المقاعد.


...


انا تقريباً مثل وضعك دبلوم واخترت في البداية امريكا بس للاسف ماعادلوا لي شي من موادي بدون رخصة الاخصائيين .. وبالنسبة لتخصصي مررررررررررة صعب يحصلوا عليها الاجانب ..

فـ حولت بعثتي لاستراليا الحمدلله :) لسا ما بدأت دراسة الله يسهل ويكتب اللي فيه الخير :)

وناوية اذا تخرجت ان شالله احاول بموضوع الطب باستراليا لأن زي ما قلت لك ما يتطلب مواد معينة .. بس محتاج درجات مرررررررة قوية بحاول واللي الله يكتبه .. واذا مانفع بكمل ماستر والله يعين :)


فـ من تجربتي اشوف استراليا الأقل تعقيد في القبول وكل شي :)

موفقة