اريد ان اجعل مطبخي منعش

سلام اختي..

انا كان عندي نفس مشكلتج بالضبط.. و اصلا كنت احس ان مطبخي ما فيه امل يكون منعش و مفرفش لانه قديم.. يعني صح كبتاته في حالة جيدة ان لم تكن ممتازة.. بس موضته قدديمة واايد..

قبل شهرين تقريبا قررت اني اغير فيه شيء.. بس لان البيت ايجار ما غامرت ابدا اني اجلد او اصبغ الكبتات.. لان اعرف انه في النهاية انا اللي راح اتعب و في نفس الوقت ما اضمن اذا كنت باقدر ارجع كل شيء مثل ما هو .. فحطيت عقلي في راسي و خليت كل جهدي في الجدران (لان ارجاعها لحالتها الاصلية بيكون ابسط بووايد) و الاكسسوارات و الستاير .. و الله يا اختي ما تتصورين اشكثر مطبخي تغير و صار منعش و حلو..

نصيحتي انج تختارين لون فاتح و صارخ يناسب جو المطبخ... مثل اصفر او تفاحي او برتقالي.. و بعد ما تحددين اللون تبدين الشغل..

انا اول شيء سويته اني صبغت الجدار كله ابيض في ابيض.. و حددت اللون الصارخ اللي ابيه و كان تفاحي.. اشتريت ستارة ضد الماي من النوع اللي تنسحب على فوق بلون تفاحي فاقع.. و بما انه شباكي كبير فغطت معظم الجدار... بصراحة النتيجة كانت روعة.. على طول قررت اني احط في وسط بقية الجدران زيج تفاحي و اصفر... و تفننت في الزيج.. اعتمدت فيه خطوط عريضة و صغيرة عشان يكون شكله مميز (تعلمت الطريقة من المنتدى.. دوري في المنتدى فيه اشكال روعة و سهلة ممكن تطبقينها بروحج)... ما تتخيلين شلون المطبخ صار اوسع و الاضاءة تغيرت علي بسبب تغيير الالوان بس... و بعدين كملت بالاكسسوارات.. جبت اكسسوارات بلون تفاحي و اصفر... و دخلت معاهم اللون الاحمر الفاتح.. بس بشكل خفيف و غير ملحوظ.. و طبعا لا تنسين الزرع.. لانه يعطي المطابخ شراحة و وسع ..

هذا كل اللي اقدر افيدج حبيبتي..

و لو عندج اي سؤال لي لا يردج الا الكيبورد :)

مشكورة حبيبتي بس سؤالي كيف اصبغ والجدران سيراميك

هلا بك حبيبتي

مطبخي بحالة جيدة وعملت له كم حركة وان شاء الله تنفعك

لون الواليب بني غامق كانه خشب وهو المنيوم فقمت ادخلت عليه لون احمر وبعدين تمنيت اني دخلت تفاحي كان يطلع جنان

المهم اشتريت من عند ايكيا لواصق كبيرة عبارة عن وردة حمراء بفروع خضراء سعرها معقول

ثم اشتريت ستارة حمراء وقمت بكشكشتها ووضعت رفوف حمراء على الجدار ودعاسات حمراء للقدور على الطاولة ودعاسة عند المغسلة لونها احمر

كل هذا من ايكيا

قمت بصبغ او تستطيعي شراء علب السكر والشاي حمراء

وضعت في جهة الابواب التي من زجاج تحف حمراء

واذا تذكرت شئ باخبرك

اتمنى اكون افدتك

هلا اختي...

ما عندي فكرة اذا كان ممكن صبغ السيراميك او لا .. بس اظن نفس التعب لو جيتي تنقلي بعدين.. يعني نفس مشكلة الجلاد..

طيب ليش ما تركزين على الاكسسوارات و الستاير.. ؟؟

و العبي في الالوان... ترى الالوان لها دور كبير في تغيير المكان... بما انه مطبخج لونه رمادي و ابيض و السيراميك رمادي... ضيفي له اللون الاصفر الهاادي... هذا يطلع روعة من الرمادي و الابيض.. و حطي الستارة و الاكسسوارات من نفس الالوان و يفضل لو تكون الستارة لونها اصفر فاتح.... و راعي انه حاملة ورق المطبخ و الارفف و حاملة الصحون يكونون من الستيل.. لانه الستيل يمشي مع الرمادي و الاصفر و يطلع شيء ذوووق...

هذا اللي يحضرني حاليا.. و لو تذكرت شيء بارجع لج...

بس فيه طلب صغيرون من بنات المنتدى الطيبات... انا شفت من قبل صور لغرف نوم و مطابخ و غرف معيشة بالوان مطبخ اختنا بس داخل معاها اللون الاصفر.. بس للاسف ما اعرف انزل صور و الا كنت نزلت لها كم صورة عشان تفهم القصد.. يا ريت لو وحدة منكم خواتي تنزل صور للاخت عشان كلنا نساعدها...

و مشكورين مقدما..

احس الاشجار واللون الاخضر مهم بالمطبخ