اريد ان احسن من وضعي

مشكورة الغالية على النصيحة

عندي لك مشاريع سهله:
(1) وضع عامل يبيع لك بالونات للاطفال وممكن تعملي بالونات للحفلات.

(2) سياره صغيره تبيع المستلزمات العائليه.

(3) سياره تبيع السندويتشات او الايس كريم.

(4) ماكينه تفقيس البيض . تحطي بحدود 200 بيضه وبعد التفقيس تبيعي الفروخ 3 ريال 200*3= 600 ريال.

(5) عمل شاي وقهوه للاعراس.

(6) حنايه هنديه تحني الناس في البيت.

(7) ماكينه فشار (الذرة) .

(8) كاميرا للتصوير الفوري مثلا عندنا في قطر لما اصور في الحديقه الصورة 10 ريال شوفي انتي كم فيلم راح يصور في اليوم.

اذا لقيت مشروع اخر بارجع لك .

بالنسبه للمكائن التفقيس عندي عجوز تبيعهم.او اشتريهم من اقرب مكان لك.

باكتب مع انك ما رديتي علي .


(9) اذا انتي شاطره في عمل الحلويات اعملي بيتي فور.

(10) اذا تحبي تعملي تجليد لدفاتر تحضير الدروس وعمل بعض الحركات على الاقلام وقسم الاشغال اليدويه بيفديك.

(11) اذا انتي شاطره في الخياطه (ثوب العافيه) عباره عن ثوب صغير لحديثي الولاده مع المهاد( المهاد هو قطعه تلف حول الطفل).

(12) عمل خداديات ومخدات صغيره باشكال حلوه.

13)فكره جديده وهي الزراعه تزرعي شتلات صغيره سواء نبات داخل المنزل او خارجه ( مثل شجر الظل) (النعناع والحبق والريحان وغيره كثير)


وين رحتي حنا نحب انساعد بس ليكون نسيتي موضوعك.:27: