اريد ان استفسر عن مشروب

هل عرفتي اختي كيف يصنع؟
انا من فترة ابحث عن من يعطيني عنه اي معلومات..

حقولكم الطريقة
بس دحين اللاب توب مو مشحون
اوعدكم ارجع لكم

شوفي ما انصحكي تسويه كثييييييييير يوقعوا في البلاوي بسببه
لانه لو خليتية برا الثلاجة او زادت المدة عن يومين راح يسير زيه زي الخمر فاهماني
وانا اسويه بس المقادير بالزبط ماادري كيف اوصفها لكن بالنظر تقريبا حقولك
عموما
شعير (موية منقوع الشعير )او نقعي الخبز الصامولي في موية وخدي مويته تقريبا اربع كاسات
عصير عنب كاسة
سكر حسب الرغبه
عصير رمان ممكن تحطيه وممكن لا بس انا اشوف انو ينحط - كاسة
طبعا الرمان والعنب طازج لازم انتي تسوينهم في البيت ماينفع المحفوظ
اخلطيهم واكتميهم في مرطبان لازم يكون مرطبان محكم الاغلاق وخليهم تقريبا اربع ساعات برا الثلاجة وبعدها على طول دخليهم في الثلاااااااجة لازم في الثلاااااجة عشان مايتخمر

واشربيهم
لونها بسير وردي فاتح
والله ماادري ليه الناس بيحبوها
انتبهي ترى السوبيا لو انكبت على اثاث ولا ملابس احلممممممممممممي تطلع منه الا اذا كانت قدراتك فوق الطبيعية
كمان شيء مهم في فترة الاربع ساعات اللي برا الثلاجة راح يتولد منها غازات فلما تفتحيها افتحيها بحرص وبدون لهوجه بهدووووووء
كمان في الفترة دي لا تقربيها من شيء ساخن زي الفرن وغيره لان المرطبان حينفجر عليكي وحليها بعدين
تحياتي

تبرئة للذمة


" أكدت الباحثة هوازن حامد مطاوع ماجستير كائنات دقيقة قسم احياء
جامعة ام القرى تأكيدا علمياً منذ عدة سنوات بالتحليل الكيميائي
ان هناك نسبة من الكحول في السوبيا و قد أكد هذه الحقيقة
الدكتور محمد قربان استاذ التخمر الميكروبى المساعد بقسم الأحياء
جامعة الملك عبدالعزيز فوجد أن نسبة الكحول الايثيلي وصلت
إلى 2،3 % بعد 24 ساعة و ازدادت إلى 4،2% بعد 48 ساعة أما بعد 72 ساعة
فقد وصلت 6،8%، هذا من ناحية الكحول أما من ناحية أنواع الميكروبات
الموجودة في السوبيا فقد استخدمت عدة بيئات من المصل لعزل البكتيريا
و الخمائر و كررت التجارب أربع مرات للتأكد و تم تجميع المتوسط
من القراءات لعدد الخلايا الميكروبية الموجودة في السوبيا، فوجدت أنها
خليط من البكتيريا و الفطريات و الخمائر بنسب عالية، حيث وصلت اعداد خلايا
البكتيريا الى 12500 خلية و الخمائر إلى 12000 خلية و الفطريات
إلى 400 خليه لكل ملم مكعب ..... "

قال صلى الله علية و سلم " ما أسكر كثيرة فقليلة حرام " !!!