عندي نفس مشكله مكان أمن للحب بنتي عمرها 11 سنه والثانيه 9 سنوات قليل جدا ماأضمهم أأقبلهم بالمناسبات بس وأما أولادي الثنين الصغار على طول الوقت احضنهم وأبوسهم .

ودي احضن بنتي الكبيره بالأخص لأني أحس اني مقصره معها لاكن أخاف انفجر من الصياح قدامها .

أحيا نا أقول لأنها جت وانا لسه صغيره وكبرت وكبرت معاي علشان كذا ماحسيت بالأمومه أتجاهاها . بس انا والله كثير أحبها وأخاف عليها من نسمه الهوا ولاأرضى احد يزعلها ولما تمرض مااتحمل وتاخذني العبره .

مرحبـــــا اخواتي

احب اقولكم في البدايه اني بنت موام مثلكم ...
وابغى انبهكم لعواقب هذي المشكله

انا عشتها ... وعشت عواقبها ... مرره صعبه على البنت ...

في طفولتي امي كانت قاسيه معاييه مررره ... لدرجة انها مايمر يوم الا وانضرب منها .... كان دايم في بالي انها مو امي .. كانت تعامل اخواني غير عني ..تقول اني الكبيره .. والكبير يضحي !!... بس اللي كان يصبرني ان ابوي العكس تماما ... بس كان دايم مشغول .. ولما وصلت لمرحلة المراهقه بطلت تضربني بس تهددني بالضرب .. ماانكر انها علمتني الادب والكل يشهد ... لكن احس داخلي صراع ...

ماني حاسه بامان ... ماانام زين .. مااكل زين .. حياتي كلها خوف ..

بس الحمدلله الفتره الاخيره ... تغيرت معايا كثير ... بس يادوب تقبلت الوضع ... افتكر اول مره حاولت تضمني كنت بالثانوي .. راجعه من المدرسه ... بس تصدقون ماقدرت بعدت عنها ورحت غرفتي .. بعدها حسيت اني كسرت خاطرها ورجعت قبلت راسها وجلست اسولف معاها ... وبدا التغير ... تجلس تتكلم معايا .. وتحاول تتعرف عليا من جديد ... والحمدلله الجو مستقر اللحين ..


بس نصيحه من قلب ... لاتخسرون بناتكم ... المغريات هالزمن مررره كثيره ... بنات الحرام مليانين .. لاتتركوالهم فرصه
قربوا بناتكم لكم ... للان اتمنى اني اتكلم مع امي بدون خوف ... لاتتركون الخوف منكم يدخل قلوبهم ..

انا كل يوم ادعي ربي اذا رزقني بالزوج الصالح يرزقني بتؤام بنات اعوضهم كل اللي فقدته واكون اقرب لهم من نفسهم ..
يااااااارب لاتحرمني ...

والله يسخرلكم بناتكم ويحفظهم من كل شر

سلامي لكم

متى آخر مره قبلتني ماما او حتى ضمتني؟؟؟

او حتى فتحت صدرها لي؟؟

دوم انا غلط وكل شيء يصير غلط انا السبب!!

مع اني اكثر وحده طيبة وتحترمهم بالبيت..وابوي اخدمه دوووم بعيوني بغياب امي ..

حتى ابوي نفس الحاله ...

بس عادي ماعاد تفرق لاني الآن كبرت وصار الموضوع عادي رغم قسوتهم علي ودمو انا المخطئه هذا وانا اوكي وماااشيه صح ..كذا يسون فيني ..
اجل لو اني فلاتنه وصايعه وعاقه وش بيسون فيني ؟
الشكوى لله والحمدالله على كل حال ..

اسمحولي أنا ماشفت الموضوع الا اليوم وعندي نصيحة
والحقيقة هي مو مني من استشاريه نفسية اسمها د. فائقة حبيب أخذت معها برنامج تدريبي في التعامل مع الأبناء
ونصحت الأمهات بضم الأبناء مهما كان عمرهم ولكن حاولوا أن تكون الأذن أمام قلب الأم مباشرة وفي جميع الأوضاع الأم واقفة أو جالسة أو نائمه وحتى بدون كلام يعود فيها الطفل الى مرحلة المهد ويتذكر حاجته لأمه وحبها له ويبقى حبه لها حتى في أوقات الفرح دعيه يرى البسمة على وجهك و يسمع دقات الفرح في قلبك

الله يحنن قلب كل ام على عيالها