اختي الحكمه
انتي تكتبين كلامك عالعام ويعني موجهه للكل
لو الكلام حق اسراري طرشيه خاص
وبعدين على ايش الغيره وليش بغار منك اصلا
عموما انا اصلا قاريه الموضوع من البدايه وانتي الي طحتي تجريح في البنت
وهالشي مانرضاه حق اي وحده بالمنتدى

مرحبا بنات
هذة المرة الأولى اللي أشترك في منتدى أرجو أن تتقبلوني كأخت وصديقة :21:
اخت أسراري أنا ربة منزل وعندي طفلين مافي أحلى منهم أنا أفكر مثلك ودي أصير غنية مستقلة ماديا طبعا وأتخلص من الروتين اليومي بس ما أقدر أخلي أولادي مع الشغالة طول الوقت اللي راح أشتغل فية علشان فكرة بفكره حلوه وتخليني قريبه من الأولاد أني أفتح حضانة في البيت :42: الله عليكي ماهي فكرة حلوه ويكون دوام الحضانه مع دوام المدراسات من الساعة 7 مثلا لحتى الساعة 1 الظهر ويستقبل الأطفال بين عمر 6شهور 3 سنوات أعطوني رايكم بنات لان زوجي شجعني كثير على هذي الفكرة وشكر بس رجاء لاحد ياخذ فكرتي :42:
وشكر

مشكوره يا اخت Essence
على الكلام الحلو والله انا بعد مواضيعج تعجبني
وطبعا الاستثمار في دبي محد يغلبه مشالله ....للعلم انا اموت في الامارات وعندي اهل بعد هناك في دبي وبوظبي
ومشالله دام الاستثمار حق جميع الجنسيات والله فكره نستثمر عندكم انشالله يكون احسن


والله يوفقج ويحفظج من كل شر:26:

أهلين بنات ..
كيف الحال ...
اسمحولي أشاركم في الموضوع ..
عندي فكرة ياأخت أسراري لك ولغيرك ليه ماتقومين بصنع كتاب
طبخ من طبخات المنتدى الرائعة بحيث تنمقينة وتصلحينة بطريقة جذابة
وتبيعينة بين الأقارب وتخلين اللي حوالينك يسون دعاية له
هذي الفكرة أدرجها في مخي من فترة والله حلو وش رايكم بنات؟
خاصة ان البنات يموتون في الطبخ..

بعدين يابنات ياحلوات خليكم متحابات الله يخليكم
يا اخت ( أسراري ) ويا أخت ( حكمة ) صفوا قلوبكم على بعضكم
ترى إنا خوات ومسلمات والمفروض ما يكون بينا شحنا ولا بغضاء
ولا .. لا ؟
والله حز في نفسي كثيراً ما حصل بينكم وضاق صدري يعلم الله..
وش صار لمنتدانا ؟ هذي ثاني سالفة أشوفها مشابهة لبعض
ياليت يامشرفاتنا العزيزات تحلوا هذي المشاكل وتحببونا بعضنا ببعض
أنا أكره الخلاف أياً كان شكله !!!

وتر يا عزيزتي أسرار الأخت حكمة أتوقع انها ماتقصد أرجو انك ما تفهمينها
غلط أحس إن قلبها أبيض وانها تمون على الجميع بس كذا طبعها يمكن
تكون (جفسة شوي ) بس صدقيني ناس كثير طبعهم كذا
الله يخليك ويبقيك ويحميك ويغنيك ويحققلك الخير في دربك وممشاك
سامحيها على شاني ..صح انها غلطت بس اتوقع نيتها صالحة والله أعلم بالنيات
اعتذروا لبعض ولاتنسون إنا على أبواب شهر الخير والبركات
فخيركم من يبدأ بالسلام

يالله طمنوا قلبي بسرعة ....


ولي سؤال إلى غاليتي أم سارونة الحلوة ...
الله يخليلك سارونة فهميني قصدك يوم تقولين:
وانا من السعودية وانتوا عارفين السعودية احس ان طموحي كلها تحطمت ..؟؟؟؟!!!!
أحط علامات استفهام يعني وش قصدك يا عزيزتي ؟


تحياتي...
اختكم ...دندوني

هلا دندوني كنت متوقعة احد يسألني هالسؤال ..
شوفي انتي سعودية وعارفة الوضع عندنا ياصير مدرسة او دكتورة او ممرضة زين ..
والكيلة الي في منطقتي ماتقبل اي احد ومافيها الا تدريس وانا اكره التدريس والطب ..وماقدر اروح بعيد متزوجة وعندي طفلة ..
بسألك سؤال فيه مجال عندي بالسعودية غير اني اصير مدرسة او اشتغل في مستشفى وانا ماحب المستشفيات يعني اخاف برغم ان امي رئيسة ممرضات لكني غير ..