اهم شيء في هذا الموضوع الصبر والتروي

يعني ال 24 ساعه خليها 24 سنه وزين ان حققتي شيء فيها

البيع والشراء من اقرب واسهل الطرق للكسب السريع وهنا يجب ان تتنازلي عن القليل من الي في راسك

وتحياتي

الحوريه

الحكمه........ اتمنى اختى ان اسلوبج فى النقاش يكون ارقى من جذيه

والاخت اسراري ماطلبت المستحيل الا اذا كنتى تعتقدين ان الله موقادر على كل شى

الله الرزاق يااختى

اسرارى لنا عوده انشالله بس انا مستعجله الحين

شكر ا شكر ا شكرا يا اخت mslme على التواصل بس حبيت اقولك ان موكل غني تعيس لان الواحد بمقدوره يشتري سعادته بفلوسه مثلا اذا كان تعبان يقدر يروح لااكبرالمستشفيات ويدر يجيب احد يخدمه واذا كان طفشان يقدر يسافر لكل مكان واذا حب يكسب اجر تبرع بلمبلغ اللى يحب
وتصدقين والله العظيم انا ابغي اكون غنيه على شان اشتري بيت ملك خاص فيني وهذا طموحي منواناكنت في ثالث متوسط والحين انا معلمه يعني هذا الطموح من حوالي تسع سنين :(
دقة قلب
صحيح كلامك بس حبيت اقولك انه الدعاء من غير بذل الاسباب مراح يجيب شئ ولا انا غلطانه بعدين وين الافكار انا ابي افكار حرام عليكم يكفيني نصايح امي وتحطيم ابوي
~ حورية البحر ~ احد قالك اني ابي اكون غنيه لما طيح اسنوني:22: ويبيض شعري :28: وبتعفط وجهي :07:
انا ابي استمتع بشبابي:27: وبعدين الله يخليكم عطوني افكـــــــــــــــــــــــــــــــــــــــــــــــــــــــــــــــــــــــــــــار
أميرة الأحلام
ياسلام على كلامك مــــــــــــــــره مــــــــــــــــــــــره حلو ويفتح النفس
وعلى فكره من اسمك حسيت افكارك نفس افكاري لذا خلي كل احلامي تتحقق وانا على احر من الجمر مستنيه افكارك
وهذي ورده مني لكي :26:

السلام عليكم..

أسراري فكرتك رهيييييييييييبة ودايما كانت تجي على بالي بس المشكلة من وين الواحد يبدا!!

حتى اني مرات يشطح خيالي واتخيل نفسي عندي شركة مش شرط تكون كبيرة بس شي يكبر ويزيد ياسلااااااام

بس المشكلة اني ما اشتغل :11: ولسة طالبة

طريقة هندية حلوة واحسن من بلاش خصوصا في الوقت الحالي على بال ماتلاقي فكرة حلوة..ولما تلاقيها قوليلنا!!

:41:

اسراري ... افا عليج حاضرين حبيبتى وبالخدمه مافى انسان موطموح او مايحب ان وضعه يصير للافضل وبالحلال مومعناته ان الواحد غنى معناته تعيس ولا الواحد الفقير اهوه بس اللى يدخل الجنه ... لكن يابخت من صار عنده المال والفلوس وظل متواضع ومانسى اهله وناسه وظل يفعل الخير بالعكس هذا الانسان افيد مليون مره من الانسان الفقير الاتكالى اللى نظرته للدنيا نظره سوده بائسه ... انا اقولج هالكلام لانى الحمدلله طول عمرى انسانه طموحه وعندى احساس انشالله فى يوم ما راح اوصل لان من جد وجد .....

بعدين اذا الاخت حكمه تستحى من معاشج فا انا كان معاشى فى شغلى الاولى يمكن نفس مستوى معاشج بس لانى طموحه مارضيت بالقليل ودورت شغل افضل والحمدلله لانى مايأست نلت وظيفه معاشها وايد اقوى يعنى الطموح لازم يكون فى كل شى....

نصيحتى الاولى لج دايما خلى عيونج مفتوحه لاى فكره تنقال جدامج حتى لو تحسينها تافهه بعض الافكار مع بعض التحوير ممكن تكون مشروع ناجح حتى لو صغير

انا مريت بتجارب وايد مايسعنى الوقت اقولها كلها لج لكن اسمحيلى اعطيج بعضها ...
انا كان عندى نوعا ما حس فنى فا دخلت دورات رسم زيتى فى البدايه كانت المسأله بالنسبه لى مجرد هوايه وحب استطلاع لكن ياسبحان الله يتنى الفرصه وشاركت فى احد المعارض وبعت لوحه واستمريت اشارك وماشالله ماتوقعت الخير اللى جانى لكن للاسف وقتها ماكان فى بالى ايمع المبلغ علشان اكون راس مال وظروف دراستى اجبرتنى مؤقتا انى اهد الرسم بس عندى امل اردله فى يوما ما لانج لو اخلصتيله راح تحصلين مردود مادرى وانا جربتها والله

لى صديقه كانت تشترى اكواب زجاجيه وشموع بعطر وشموع عاديه بألوان مختلفه وخرز وترتر وشرايط وشغلات من هالنوع وتذوب الشموع باشكال حلوه داخل الاكواب وتحطها بشكل طبقات مع الخرز وتلف الشرايط من الخارج مع بعض الورود على الاكواب وتبيعها ماشالله كانت ناجحه فى هالسالفه بس تحتاج شويه تمرين وتدرين ومخ نظيف

بالنسبه لى الاسهم انا هم قاعده افكر بهالسالفه بس لما اعرف اكثر بالاسهم وصراحه ماعندى راس المال بس زوجى قالى ان فى طريقه اسمها التورق ممكن اتسوينها مع البنوك الاسلاميه وتحصلين على المبلغ نقدا وهالطريقه مشروعه وتسددين المبلغ بالاقصاد بس طبعا لاتسوين هالسالفه الا لما تكونين متمكنه وعارفه عدل حق الاسهم بلان حرام تدفعين اقساط وتخسرين بعد


وفى شغلات وايد وايد بس اهم شى لاتيئسين ابدا وابدى السلم من الاول وماعليج من كلام المحبطين "لايغير الله قوما حتى يغيروا مابانفسهم "