اريد تصفيت المحفظه كيييييييف ؟

وعليكم السلام ورحمة الله وبركاته


الله يعوض عليك عزيزتي في خسارتك وبإذن الله تقدرين ترجعينها

أولا : السوق هذي اليومين لا تشترين فيه شي حتى تتضح الرؤية ويعرف مسار السوق يعني على بعد العيد ان شاء الله

ثانيا : راح أشرح لك طريقة التعديل بطريقة مبسطة

انتي اشتريتي 80 سهم بسعر 95.5 يعني مبلغ 7640 ريال

طيب انخفض السعر إلى 52 ريال للسهم

راس مالك الموجود في السهم هو 80 ضرب 52 يساوي 4160 ريال والخسارة 7640-4160= 3480 ريال >>>>> صح



فرضا انك اشتريتي اليوم 300 سهم بسعر 52 ريال للسهم الواحد راح يكون المجموع 15600 ريال

تجمعينها مع قيمة الأسهم الأولى يكون المجموع 15600 + 7640 = 23240 ريال >>>>>> هذا مجموع ما أنفقتيه للآن

يعني عندك 380 سهم الآن بقيمة 23240 ريال لو قسمتيها عليها راح يكون كأنك اشتريتي السهم الواحد بـ 61.15 ريال
>>>> لا حظي الفرق بين سعر شراك الأول وسعر الشرا بعد التعديل من 95.50 إلى 61.15 للسهم الواحد

الآن لو ارتفعت عن 52 لو 5 هللات بيعي بس 300 سهم وخلي الثمانين ما جا دورها لأنها لا زالت بسعر عالي أعلى من السوق

اعملي نفس الحركة مرة ثانية وثالثة لين مايرجع راس مالك وكمان عمولة البنك

أتمنى تكون المعلومة وصلت

تحياتي


لكن قبل ما أنتهي لا تشترين بالسعر اللي ذكرته بالمثال لأنه مثال وبس سعر شرا اليوم في فيبكو أقل من كذا ولا تدخلين السوق لين مايستقر

تحياتي مرة ثانية

الله ينور بصيرتك ,, وينفعبك حبيبتي حروف

الله يسلمك عقد اللؤلؤ على الدعوة الحلوة والقايل يارب

اختي الحبيبه حروف الكيبورد أسأل الله ان يجزاك خير الجزاء فهذا ابلغ الثناء كما علمنا حبيبنا محمد
وان ينير بصيرتك وييسر امرك يفرج همك
اختي الحبيبه اعتذر عن التأخر في الرد لاني كنت خارج المنزل اليوم بارك الله فيك واستودعك الرحمن

الله يبارك فيك عزيزتي وبانتظار أخبارك بعد التعديل