اريد حلاااا اتجوز اللى مش بحبه ؟؟؟ ( مش ممكن ) ساعدونى

بسم الله الرحمن الرحيم
اخواتى فى الله
السلام عليكم ورحمة الله وبركاته

عاوزه اطرح مشكلتى بس لو سمحتم اقروها الى اخرها هى ممكن تكون طويله شويه بس صدقونى انا محتاره و اسفه لو حطول عليكم

الحكاية باختصار :-
انا و M كنا بنحب بعض جدا وكان كل امالنا اننا نكون لبعض بعد ما يخلص الكلية و كنت بكلم اخته و مامته لما اكون بتصل بيه لحد لما جه يوم من الايام و تدخل زميل ليا فى الشغـل للاسف مش انسان ( شيطااااااان ) وقالى عليه كلام ، انا مش عارفه ازاى صدقت كلام الشخص ده مع انى عارفه M كويس و كنت بحبه حب جنونى صدقونى يا جماعة لو قلتلكم ان كان كل كلمه تطلع منى له او منه لى كانت بتطلع معاها ( يا حبيبي - يا روحى - يا قلبى -.... ) من غير ما احس من كتر حبنا .
بعد ما سمعت الكلام ده طبعا و ( الشيطاااان ) اقنعنى بيه بقيت مش عايزه اكلم M و حسيت ان كل شيئ راح منى ، مع انه جالى الشغـل و قالى فى ايه و خلى اخته تتصل بيا و اصحابه يكلمونى و انا حسيت ان خلاص . مش عارفه ليه .........

لحد ما عدى عامين لا بنشوف بعض ولا بنسمع صوت بعض و متعرفوش ده كان اد ايه بيعذبنى

المهم جه M من شهرين تقريبا و قالى ايه لسه بتحبينى ( انا بينى و بينكم كان نفسي اقوله اه و اخده بالحضن كمان ) بس للاسف مرضتش عليه بس فهمته ان اللى حصل ده كان غصب عنى ، وحسيت انه مصدقنى و مش مصدقنى . المهم جه و هو ماشي قالى الصدمه الكبييييييييييييرة

قالى لو كنتى قلتى انك لسه بتحبينى كنتى هتزعلى اكتر وانا الحمد لله مفيش من نحيتك اى حاجه دلوقتى ... و انا مكنتش استاهل انى اعرفك ....................؟؟؟

انا اسفه يا جماعة طولت عليكم بس صدقونى انا بحبه جدا مش متخيله انى اكون لراجل غيره مش عارفه اقول لحد يا حبيبي غيره و خصوصا انى الايام دى فى عريس جاى يتقدم لى وجاهز من كل حاجه و فى اكتر من واحد بيكلمونى برضه وفى ناس بتحبنى وتتمنى انى ارضى اللى عنده كل حاجه و اللى معندهوش . بس انا عايزه M حتى لو معندهوش اى حاجه

ايه رايكم دلوقتى
اعمل ايه
اتصل بيه فى البيت و افهم اخته الموضوع جايز تقدر ترجعنا تانى لبعض ؟؟؟؟؟؟
ولا بلاش و اتجوز واحد مش بحبه عشان لو انا اللى رجعتله ممكن فى يوم من الايام يذلنى عشان الموقف ده ؟؟؟؟؟
بجد انا محتاره و عايزه حل بسرعه لان كل يوم و التانى عريس و مش عارفه اتصرف