هلا اختي الله يفرجها لك ياارب ويغير الحال الى الافضل شوفي خذيها نصيحه من اخت محبه لاتخلين اشياء زي كذا تأثر على حياتك ممكن تكونين متضايقه وودك بالاستقلاليه وتحسين احد يتدخل بخصوصياتك لكن رغم كل شىء احتسبي الاجر وتحملي حمولتك عشان زوجك وماتضيق الا وتفرج وادعي ربك دائم باوقات الاجابه ان الله يفرجها لك وان شاء الله ربك يسهلها وترا هالدنيا والله ماتسوى نشيل همها ونموت من القهر عشان امور زي كذا واحمدي ربك على نعمة الصحة والعافيه .....:27:

الله يفرج كربتك
والبنات ماقصرو كفو ووفو
والله يصلح بالكم ويهدي سركم

اول شئ عظم الله اجرك في ابنك ...والله يعوضك خير ان شاء الله ...وتاكدي اختي الغاليه انتي ربي ماياخذ من الانسان شئ الا اعطاه شئ احسن منه ...وبالذات في موضوع الابناء ...


انتي شكلها نفسيتك تعبانه جــــــــــــــــــــــــــدا ...ومبين عليه زوجك عمره ماشاف منج موقف فيه جديه ...لانه شافك تحبيه ومايهمك الا رضاه :27:انا مااقول هالشئ مب زين لا بالعكس ...خير النساء الودود الي ماتبات ليلتها الا زوجها راضي عنها لكن لكل شئ حدود ...
انتي بعد تستحق نفسك الارضاء ...
اختي بما انك ببيت اهلك خليك فتره لاتردي عليه بمسج ماله داعي او فيه غلط ...

ارسلي له مسج قولي له " ابعد حبه تزيد محبه " بعدها بنص ساعه اتصلي فيه وبكلام هادي قولي له انا نفسيتي تعبانه ولاني احبك يالغالي ومابي اخسرك لانك اغلى شئ عندي بعد اذنك ابي اجازه زوجيه مدتها اسبوع نرتاح فيها انا وانت من كره المشاكل ... وحددي يوم يمرج وخلال هالاسبوع لاتتصلي فيه نهائيا ولا ترسلي مسج خليه اسبوع راحه مايهمج فيه الا كيف ترتاح نفسيتك ولا تفكري وتقولي مااتصل ولا ماارسل اذا مااتصل فيج خليه هو بعد يرتاح ويفكر بينه وبين نفسه شويه هالبعد راح يخليكم تشوفون وين الغلط في حياتكم ووين الصح .. واكيد كلن منكم بيحاول يصلح بنفسه شئ علشان ترجع الحياه حلوه ...وصدقيني ماراح يجي اليوم المحدد لرجعتك للبيت الا وانتي مرتاحه ...:27:هذا بالنسبه لج ولزوجك ...

بالنسبه للسكن فاتحيه بموضوع سكن مستقل ... وبهدوء وبدون مشاكل قولي له ودي اكون لك لحالك ست سنين في بيت اهلك كفايه نضج وعقل يعني كبرت وصرت اقدر اكون قائده لبيت ...وبعدين البيت هذا مب بيت لحالنا صار بيت لنا ولا خواتك واخوانك الي مع كل اجازه ولا كل فرصه طبوا بالاسابيع والاشهر ...طبعا فهميه انج مب متضايقه من حضورهم لكن فهميه انه بموجودهم ماتصرين حره بدخلتج وطلعتج وغرفتك تصير ملاهي حد داخك وحد طالعك ...
وحاولي بالعقل والعاطفه والاحتياج له ولمحبته تقنعينه وان شاء الله يتفهمك ...

من هالكلام الين الله يفرجها ويصير لك سكن مستقبل اتبعي هالنصائح من وحده جربت معاناتج :(

- انسي انك ساكنه ببيت مشترك مع الاهل بتقولين كيف ؟؟
شوفي امه كيف عايشه بالبيت ؟؟ واخته كيف عايشه بالبيت ؟؟ وزوجك نفسه كيف عايش بالبيت ؟؟ بتلاحظي انه كلن مايهمه الا انه يريح نفسه بالدرجه الاولى وبعدين يطالع بالمهم فالاهم ...

يعني ركزي اهتماج الاول والاخير بكيف ارضي نفسي اولا من الداخل ...

اهتمي براحتك اولا واخيرا ...يعني نامي بوقت النوم الي ينامون فيه واصحي بوقتهم واول شئ تسوينه الاهتمام برضا الله وبعدها كيف ارضي نفسي ...
اهتمي بشكلك ...بنظافتك ...باكلك ...بكل شئ يخصك انتي ...

من بعدها يجي دور زوجك ...

من كلامك عن زوجك مبين عليه هو بعد فيه هم ...اختي لاتنسين انه هو بعد والد واكيد متاثر بموت ابنه فراعي هالنقطه ربي يصلحك ...


من ناحية انه تقومين وماتحصلينه ...للرجل اكيد مشاغل بخلصها ومستحيل انه يجلس الين انتي تقومين ويستاذن منك او يقولك ياحبيبتي انا بطلع ...
هنيه انتي المفروض تكونين صاحيه قبله ...بعد ماتصلون الفجر ويكون راجع من المسجد اساليه اليوم ياعمري طالع ؟؟ وشوفي وقته منتى بيطلع ...وعليها تحددي امورك لو كانت طلعته على تسعه مثلا ارجعي نامي الين ثمانيه واصحي قبل لايصحى ...جهزي فطاره واجلسي معه الين يطلع وودعيه بدعوه من الله ربي يحفظك ...
ربي يسهل امرك ...
ومافيها شئ لو تمزحين شويه معه هاه هالله بهالعيون لاتطالع منه ولا منيه ترا عيونك تحبني ودايم تخبرني كل شئ :23:

اذا كنتوا تاكلون الاول تحت عند اهله وقفي هالعاده ابتدا من اليوم وابدئي اكلي انتي واياه وعطيه علم بهذا الموضوع علشان لو صار كلام من الاهل يقول هو يبي جذيه ...

المهم بعد طلعته ومن هذيك الساعه طبعا يبدا يومك ابدئيه بركعتين للضحى ودعوه من القلب لخالقه باصلاح الامور وهداية زوجك ...

بعدها يجي دور بنوتك طبعا عارفه واجبك اتجهها المطلوب منك انك تخلينها تتلهى باللعب عنك

وبعدها شني حرب على غرفتك ...من الباب الين توصلين الشباك
شوفي الي تبينه والي ماتبينه براااااااا...

سوي شوية تجديدات بالغرفه ومواضيع المنتدى عن تجديد غرف النوم مااحلاها وعن ترتيب الحمام عزج الله احلى واحلى شوفي الي يناسبك وبدون اسراف وتبذير وبدون لاتضغطي على زوجك ...

حطي مثلا ماقالن الاخوات ركن للجلسه تلفزيون ...ويكون مكان للراحه مب للنقره والهواش ...وحطي كل همك كيف تقدري ترجعين المياه لمجاريها ...وتأكدي بتحصلين شويه صعوبات لكن من جد وجد في الاخير بترتاح باذن الله ...


عن انك تكلمينه ومايرد يااختي يمكن انتي تكلمينه بوقت هو يطالع فيه التلفزيون او يقراء جريده ولو تطلع روحك هذا الوقت ماراح يرد وان رد بيكون هاه شو قلتي :29:؟؟؟

فمن قاصرها لاتكلمينه لما يكون يشوف شئ يعجبه ويحبه خليه الين يخلص منه وبعدها تعالي احتكي فيه بسوالف رد عليج رد :27: هذا المطلوب مارد روحي عنه...
لاتقولين له انا اكلمك ولا غيرهه ...حتى لو قطع عليج سالفه لاتكملينها لو هو ماقالت ايوه كملي :11:لاتصيرين لحوحه الا تكملين الي عندج روحي عنه وخليه في الاخير بيتضبط معك وبيحاول يسمع منك كل شئ لانه بيشوف انك مب مهتمه ذاك الزود انه يسمع لك وايد ...

المهم عن موضوع عنه مايرجع الا بالليل ينام قولي له حبيبي اشتقت اتعشى معك فاليت الليله مااتتاخر وسوي له عشوه من الي يحبها قلبك ...
واذا سويتي له مكان خاص بالغرفه فيه تلفزيونه كمبيوتره وفيها اكله ومافيها نقره وايد صدقيني بيحاول انه يرجع قبل العشا وهذا الي نحن نبيه انه يبداء يكون قريب منك ومنها يجي دور الدلع والحركات الرومانسيه والمفاجات وانسسسسسسسسسي انه اهله في البيت

بالعربي الفصيح عيشي حياتك بكل ثانيتها ...

هم لهم وقت العصريه الين اذان المغرب من بعدها دور حياتك وبيتك وزوجك بس

وبعدين حاولي تنومي البنت من وقت علشان ماتسوي لكم ازعاج ...

وربي يوفقك يالغاليه وياليت تطمنينا على احوالك

والله فرحت بالرد وانا من امس وانا افكر
زوجي لحمدلله مقتدر بس رافض يخرج من عند اهله وانا احترمت رايه وقدرته
طبعا انا المسؤله عن الطبخ وباختياري لان امه كبيره وبعدين بالنسبه لي اعمل شي
ما انكر اني احبه وما افكر باي شي يخرب بيتنا بس احس اني مالي ثقل عنده
هو رجل صالح لحمدلله من الناحية الدينيه
يمكن انا متضايقه انا بصراحه من النوع احب اعيش
واشتري راسي
بس مشكلتي معه انعدام الكلام ما ادري في ايش اتكلم معه بتقولوا 6سنين متزوجه ايوه كان اولها سنه تعارف بعدين بعدنا عن بعض سنه عشان شغله
وبعدين حمل وولاده وبعدين حمل اخر وولد مريض سافرنا بعيد عن اهلنا مع علاجه سنه ونص
خلال السنه والنص ما نمت في شقه مع زوجي غير شهر
كلها مرميه في المستشفى مع ابني
من توفي ابني اصبحت بصراحه
لاحب لقاء زوجي ولا يحب لقائي
اصبح ينام منفردا تحت السرير وابنتي في حظني
هو قرر انا ينام في الارض ولم امانع
حتى عرف اهله فاصبحوا يتندروا بنا طلبت سرير لابنتي ولم ياتي به فلم اعد الطلب
نتلاقى نادرا وانا سعيده
لا ادري كيف وصلنا لهذه الدرجه
ولو تحدثت معه باي شي خاص يقول عاطفيه
هو كريم معي ولا يخرج مع اصحاب ولايدخل
لسانه عفيف وكذلك مكسبه حلال
ولكن اشعر بانعدام الرغبه في الحياة تبلد رهيب سامحوني اريد ان افضفض
احاول ان اغير في الغرفه مهتمه بشكلي ولكن اشعر باكتئاب اريد ان اصرخ ان ابكي
الحمدلله
لا انكر انني غير راضيه عن نفسي ولكن زوجي لايحاول يعرف مقدار حبي لابني وتعلقي به
ويعرف انه توفي فجاة لانه كان يتحسن والاطباء يبشروني
يعرف انه عندما توفي كنت لوحدي اضخ الاوكسجين لابني
مات في حضني وانا من رحت اخبر الاطباء ان يلحقوني
منعني هو واهله واهلي ان ابكيه ان اذكره حتى صوره احرقوها
لم يواسيني كان يقول لي عدمتي الاجر اذا بكيت
كرهته
او بمعنى اصح لم اعداحبه
دعست على نفسي وصرت اكلمه انا واحاول ان افتح اي موضوع بدل ان يحاول ان يخرجني هو من حزني
علما ان ابني من توفي له 4 اشهر فقط
لم اخرج فيها لاي مكان معه لوحدنا
حتى وان لم تجدوا ماتقولونه لي يكفي انني شكيت عندكم وذكرت لكم همي وبكيت حتى شبعت وانا اكتب
وسامحوني:26:

ختي .. لقد بكيت معك وانا اقرأ مامررت به

الله يعوضك ويكون لك شفيع

حبيبتي لاتستسلمي لما انتي فيه

الجأي الي الله سبحانه وتعالي

فزوجك من كلامك ذو خلق ودين

والرجال بهذه الاخلاق في هذا الوقت نادر وجودهم

وانتي تمرين بحاله نفسيه هي والله اعلم بداية اكتئاب

هي نتيجة طبيعيه لما مررت به

ولكن يااختي اتقي الله في نفسك لاتهملي نفسك

وزوجك وابنتك

ولاتكوني عرضه للوساوس

قلوبنا معك

اختي

الدعاء ثم الدعاء ثم الدعاء

وتحري اختي اوقات الاجابه

واتمني لك اختي الغاليه ان يمسح الله علي قلبك

ويسخر لك زوجك

ويرزقك الحياه الهنيه الخاليه من المشاكل

ويرزقك بالذريه الصالحه

اللهم آمين

وطمنينا عليك