اريد حلا لمشكلة الثقوب الجدارية

السلام عليكم بنات،،،
بنات انا توني منتقلة بيت يديد الحمدلله،،، وخاطري اعلق لوحات ورفوف على جدران المنزل،،، المشكلة زوجي مانعني من ها الشي وكل ما ابغي اعلق شي يقولي لاتخبقين "تثقبين" الجدار عشان ما تخربينه والبيت يديد :44:،،، وانا وايد عندي اشياء ابغي استخدمها على الرفوف سواء في الحمامات او الغرف،،، وخاطري احط لوحات طبيعية،،، يعني تخيلوا بيت فاضي من اللوحات،،، مايستوى وهو الله يهديه مب طايع :(:06:،،، دلوني على طريقة تساعدني في وضع الارفف واللوحات :o بس بدون الحاجة لثقب الجدار او حتى ظهور علامة عليه،، وياريت لو تخبروني كيف ومن وين؟!!!

وشي ثاني،،،، انا لما خلصت تصميم مطبخي وصيت الهندي يركبلي مستلزمات المطبخ من رفوف على الجدار ووصيته في اماكن معينه،،، الاخ قام وحطها في مكان مول مب عملي وما منه فايده،،، خاطري احطهن في مكان آخر بس مضطرة اني اثقب الجدار مرة ثانية ومكان الثقوب القديمة بتعلم وبيطلع شكلها بشع :11:،،، كيف اتخلص من آثار الثقوب بحيث انها ما تبان ابدا :29:،،،

ضروري ضروري بنات تساعدوني لاني محتاجة فكرة :06:، ،، وبالاخص اطلب من مشرفتنا الغالية ام فرح المتميزة بافكارها وحلولها الرائعة،،،، وكذلك الاخت العزيزة نيارة،،،

ولكم الشكر الجزيل