حبيبتي انتي حاولي فيهم بالعقاب و ما الى اخره ولازم زوجك يساعدك لا اذا واحد شاد و واحد مرخي بيفلتون لازم الاثنين على نفس المنهج عشان الاطفال يستوعبون انه هذا مرفوض اول شي اقعدي مع زوجك كلميه قوليله ان لازم تساندني عشان اليهال يطيعوننا و يسمعون الكلام وعلميه ان شغل البيت والعيال المراة افهم فيه ف خل يثق بقراراتك ويساندك مهما اختلف رايه قووليله برا البيت انت كلامك اللي يمشي وحتى لو ما عجبني شي قاعدة اسمع كلامك بس داخل البيت الام تفهم احسن و خليه يكون معك في تربية اليهال و اذا حاولتي كل شي وما قدرتي انة من وجهة نظري اتركي الشغل ليين يكبرون شوية وتسيطرين على الامور وبعدين تشوفين ودك تردين او لا، الله جعل القوامة حق الرجل هو يتحمل برا البيت وانتي لازم تتحملين داخل البيت اذا اثنيناتهم ماراح يقدرين خصوصا ان عيالك مشاغبين الله يصلحهم..

كلنا نمر بضغوط اذا ماتحمل عياله من يتحملهم مثل ماقالو البنات شدي حيلك فيهم كم اسبوع


انا عن نفسي بنتي ماشاءالله عنادها وعصبيتها وزقاقتها عن اربع عيال الله يحفظها لمن صرت اقرا سوره البقره بالبيت وانفخ عليها وعلى ابوها والماي صرت اهدا شوي ادري تجنني وتطلع قروني للحين بس احاول احلم واعصب عليها بالوقت اللي خلاص تزودها الله يهديها ويصلحها

مانقدر نعطيك حلول وانتي جالسه تدعي عليهم !!!!!
هذي اول مشكله عندك
حليها اول
بعدين تبدا الحلول الثانيه
وكمان شغله ثانيه لسه عيالك صغار يبيلهم صرامه
مو معقوله ابو 9 سنوات يمشيكم ع كيفه
لاتخلينه ينام في غير وقت النوم !
وليش ماياكلون في وقت واحد دامهم صغار !!
انتم معطينهم وجهه صراحه
اما ابو ثلاث سنوات مانلومك فيه بس ابدي بالتدريج معه في قضية القيلوله

ربي يصلحهم ادعي لهم ربي يهديهم
احس الشغاله ضروريه لك ترتب وتنظف وتطبخ يختي تريحك شوي تعب البيت والدوام جيبي لك وحده تشيل عنك التعب وتهتمين انتي فيهم ومذاكرتهم الله يكون بعونك وييسر امورك

نفس وضعي بالضبط بالضبط وصفني حالتي بحذافيرها