اريد حل

مرحبا اختي سكووووون
الغيرة والعنف والغضب من اهم أسباب الضعف عند الأطفال..
ماعندي حل حق وصفة تسمن بس في طريقة جربتها مع بنتي..
بنتي عمرها اربع سنوات ونص.. وكانت تشرب حليب في الرضاعة مرتين في اليوم يعني عند النوم.. وألاحظ انها ما تاكل وجبات الغدا والعشا زين..
فقالولي اقطعي عنها الحليب وبتاكل... وفعلا.. منعتها من الحليب وعانيت معاها مثل الفطام.. بس كله يبيله عزم واصرار..
واللي ساعدني.. ان بنتي تحب الشعر الطويل.. فشو أقولها؟؟؟
- اذا شربتي حليب في الرضاعة ما بيطول شعرج..
- اذا شربتي حليب فالليل بياكل السوس اسنانج <== متعقدة من هذي المشكلة لأن سنّين طايحين والثالث مسوس..
- اذا كلتي زيادة بتصير عضلاتج قوية <== تموت من الفرحة وتقعد تشوف عضلاتها..
مرات تشوف اختها وتغار منها وتطلب الرضاعة بس شو أقولها؟؟
اقولها عادي بسويلج حليب بس ما بيطول شعرج.. كيفج.. وتقعد تفكر وتفكرونرجع على قصة الشعر لين ما تروح وتنام.. خخخخخخخخخخخخخ
في شي ثاني:
اذا هي تشرب حليب, جربيلها حليب اسمه (pediasure) حليب بودرة من سن 1الى 10 سنوات
أذكر أول ما جربته ح بنتي.. كان عمرها سنة ونص.. زادت 1 كيلو خلال اسبوعين والله.. بس بعدين ما قامت تزيد.. وحاليا زوجة اخوي تستخدمة حق ولدها وماشالله عليه انتفخ عن اول..
وأخيرا.. الله يعينج عليها ويعين الجميع ترى مش بس انتي.. كلنا في الهوى سوا
مع تحياتي..... ونـاسه :)

هلا حبيبتي وناسه تسلمين علي ردك الرائه ولكن بنتي تشرب الحليب بالكاس الصباح فقط مع الفطور وتتغدي وتتعشي لكن ماتسمن ابدا اكلها قليل وحركتها كثيره وهي هاديه ومدلعه حيل لكن انها غيوره نوعا ما يمكن يكون هاذا السبب

اول شي امنعيها من الحلويات لانها مضره ثانيا لا تعتمدي على ثلاث وجبات فالطفل لاتكفيه 3 باليوم طول اليوم اعطيها وجبات صغيره يعني تفاحه خياره ساندويش جبنه او زبده ومربى ..............الخ
واهم شي بعد ما تتسبح اعطيها اهم وجبه واكثرها فائده لان الطفل يجوع بعد الحمام