كملي يااختي علشان نفهم القصه ناقصه

الله يساعدك يارب اختي واخلص النية ل ربك وابعدي عن خيانة و كلام فاضي راح تدمري نفسك وتزيدي نفسك هم على هم واذا اخوانك و اخواتك ماهمهم الا نفسهم انتي اهتمي بنفسك ودوري اللي يريحك واخواتك ماراح يصرفون عليك ولا...... الخ وابعدي عن طريق الحرام نهاية معروفه وشوفي نفسك و اولادك وربي يحنن اولادك عليك ويصلحهم والله يهدي ابو زوجك الله مايخاف ربه على اللي سواه مع عيالك ومافي شي يضيع عند ربنا و الدنيا دوارة مصير عيالك يعرفون الصح من الخطا ويرجعون لك.
وروحي الوظيفه واذا في احد يشيل اولادك توظفي والله يحسن احوالك واذا اهلك يسوى مشاكل ابعدي عنهم وعيشي حياتك وكوني البنت و الود والاخو والابو بنفسك و حقك والله يساعدك اختي نصيحة اقراي كل يوم سورة البقرة والاستغفار وصلاة اخر الليل لا تتركيها والله يبشرك ويفرج همكم ويفرحك يارب بكل خير..
اللهم اغفر لي ذنبي وافرج لي همي واقضي الدين عني واكرمني بكرمك يالله

كملي يا وخيتي

وقلت له وش تبغى قال اناابي اتزوج وادور وحده بالحلال قلت ابشر انا ادور لك كنت اقول اسعد الناس علشان ربي يسعدني وفعلا كنت ادور له على وحده وسألته اسأله وجاوبني ولكن ماعنده وظيفه وكنت افكر كيف شكله يمكن اسمر ويمكن ويمكن المهم قلت ابغى اشوف شكلك علشان اشوف لونك لنك تبغى مواصفات ولازم اعرف شكلك مسويه خطابه 😕وقالي بروح المهرجان اناوامي واختي المهرجان تعالي شوفيني وطلبت رقمه كان بينجن يقول كيف ماقدر اكلمك ومادري وش قلت خلاص روح ماقدر ادور لك عن عروس 😑وحذفت الدردشة وجلست يومين حذفت الدردشه ونسيت منه لني فيني الي مكفيني وفجأه ارسل رقم يقول اخذت شريحه علشان اكلمك منها واستغربت صرت اناالي اتجرا وهو يستحي اسأله ويوم راح المهرجان رحت وشفته كان شكله صغير ماهو على عمره وهو قال عمري 22 وجلست افكر فيه وكنت ناويه اتركه وامشي وقلت مسكين قلبي أوجعني اكسر بقلبه وجيت له وقلت سلام انا. . . . . . . . . . وظحك ومسك يدي الله واستغربت صرت قلت خلاص اناشفتك قال انتي تكذبين منتي متزوجه ورب البيت تكذبين قلت لاوالله وحلفت له وعيا يصدق المهم جلسنا نسولف في السوق ونتكلم واشوفه خجول وعلى طبيعته واقول الله يحفظه لأمه ومشيت وانا اقول ياحظها الي بتكون من نصيبه ورحت البيت وجلست افكر فيه وكنت كل يوم اسولف معه واحب اسمع منه كلامه كله امل مع انه علمني بمشاكل صارت معه صعبه قويه. وكنت احكي له عن حياتي وكل يوم لازم اسمع صوته واتكلم معه وكان يسمع زوجي يبهذلني واحيان يظربني وهو معي على الخط وكان ينقهر ويقول روحي لهلك وعرفني على امه واخواته كانو بنسبه لي اكثر من أهل طيبين ومع المشاكل عزمت اتطلق من ذا وقال انااتزوجك و ورب البيت ماختمت القرآن الاالسنه الماضيه والسنه ذي بسببه وصالتراويح والقيام الاالسنه الي راحت والسنه ذي وكله منه وحسيت بالأمان وتغيرت كثير كنت احب اسافر والتسوق كل اسبوع لازم انزل اشتري اغراض احيان احتاجها واحيان لا والله عشت عمري وانامستهتره بكل شي ويوم عرفته صرت احسب كل شي بميزان ولكن المصيبه يابنات انه شرط عليه شرط اني اذاتزوجته انسى كل الماضي واحرقه وانسى اني بيوم جبت عيال واعيش معه حياتي كلها ويعوضني عن كل شيء قضيته بعمري ومادري وش اسوي اترك اولادي وامشي معه اواكمل حياتي كذا بلعذاب هاذا مع العلم ان اولادي ال5مايبغوني وكل ماتواصلت معهم احس مااهمهم😭😭😭واترك اولادي ذولا وش اسوي ساعدوني مع العلم اني احبه وكثير حاولنا نترك بعض لكن ماقدرت اعيش يومي من غير صوته واهتمامه وصار يوصيني على الصلاه ويصحيني ورب البيت احبه مادري ليش لني انااخترته يمكن اولني عشت الظلم من اناصغيره وش اسوي للعلم عمري الحين 36وثمانيه شهور وهو 33 وش اسوي وحاول يبعد عني وخطب وكانت مصيبه بنسبه لي لكن ماقدر يتزوج وتعذبت وقال خلاص اتركي كل شي وعيشي معي تكفون ساعدوني وش اسوي اخلي عيالي مع ابوهم وأطلق واعيش الحياه معه أو اكمل حياتي من غيره مع العلم اني ماقدر اعيش من دونه تكفوووون ساعدوني

لاتقولون حرام ومادري وش اعرف والله لكن صار كذا وربي يمكن ارسله لي ينقذني من الظلم الي عشته ارجوكم لاتجرحوني ورب البيت اني اكتب لي اكثر من اسبوع وابكي ماعرفت ارسل للمنتدى ووالله اني الحين منومه مع امي تعبانه ولي أكثر من أسبوع معها نفسيتي زفت وزوجي له أكثر من 3شهور مايدخل البيت واقسم بلله له الحين 4 سنوات مالمس فراشي ولانام معي فيه حتى نوم وكرهته أكثر ماهو علشان هذا الرجال لاوالله من اول لكن يوم جاء ذا في حياتي حسسني أن الحياه باقي فيها ناس طيبه واولادي متعلقين في ابوهم كثير ولاهمهم انا اليوم احاول فيهم يجون وحشوني عيوا يقلون نبغى مع ابوي ومادري وش اسوي اترك اولادي وامشي معه اواكمل حياتي كذا بلعذاب هاذا 😣😭😭نفسي اعتمر ورب البيت يابنات لي 10سنوات متزوجه مارحت مكه لنه قليل دين ومايبغى وش اسوي امانه شوروا عليه ولاتجرحوني يكفيني الي فيني ساعدوني نفسي احج ونفسي اعيش بطمانينه ماهو كثير عليه صح ولا لا