اريد حل صديقتي وزوجها والمقاطع الاباحية

بسم الله الرحمن الرحيم

من اسبوع كلمتني صديقتي تقول انها شافت في جوال زوجها مقاطع اباحيه وكان حاط رقم سري على جواله

ومن اول ما كان فيه رقم سري وتقول حاولت اتابع حركات اصابعه وهو يدق الرقم السري لحد ما عرفته ولما شافت الجوال انهبلت ودقت علي وقالت وش اسوي احس اني مخنوقه ما اقدر افاتحه واحس اني خلاص ضاقت علي الدنيا



قالت انا اصلا يوم شفت المقاطع قلت له انا حلمت حلم فيك انك عريان وهي صادقه قد حلمت فيه

لكن انها لعبت عليه وقالت اني فسرته ومعناه انك تناظر مقاطع اباحيه


قال وين الحمدلله انا ماني مراهق هذي حركات المراهقين واذا تبين شوفي جوالي تقول قام يمسح المقاطع بسرعه وعطاني اياه تقول وانا عارفه انه كذاب

قلت لها اخاف انها زله وان شاء الله يتوب لاني اعرف ان زوجها ما يدخن ويحرص على الصلاة ويسمع محاضرات

عطيه فرصة ثانيه يمكن زله وخوفيه بالله بطريق غير مباشر

يوم جا اول الاسبوع هذا شافت جواله مالقت فيه شي

واليوم الصبح ارسلت لي مسج وقالت لقيت مقاطع في جواله ثانيه اباحيه

انا قلت لها اصبري وادعي بدعاء اللهم اجرني في مصيبتي واخلف لي خيرا منها

ولا تفاتحينه لين تلقين حل جذري للموضوع

وهذاني كتبت الموضوع عشان تساعدونها الله يجزاكم خير