اريد حل قاضي للقمل

بسم الله الرحمن الرحيم
السلام عليكم ورحمة الله وبركاته
كيفكم بنات كل عام وانتم بخير
بدخل بالموضوع على طول
الصراحه لحظت ان بنتي كل شوي تحك في شعرها وقالت ان الشغاله لما تكده الصبح ينزل منه حبات سود قمت اشوف وكانت المصيبه والصدمه القاضيه انه القمل ويالله من داء بصراحه ضاق صدري وبنتي صار فيها خوف وقامت تسال وش فيه وش في شعري قلتلها حشرات صغيره بنعالجها وان شاء الله تروح بسرعه قلت لبوها جب شامبو القمل واتصلت في مديراتها في المدرسه وبلغتها علشان يسوون حملت تنظيف وتنبيه للطالبات
المهم انا اليوم غسلته بالشامبو وكنت امس غاسلته فيها وجالسه اكده ونزل منه شي كثير المهم اليوم مانزل شي بس بيضات القمل ماليه شعرها ملي وسالتها تحسين فيه حركه في شعرك قالت لا موزي امس والي قبله والحكه خفت بس مومقتنعه انا احس مادام البيض موجود فمازل القمل
بنات الله يخليكم ابي حل الله يرحم والديكم ابي علاج يقضي عليه
تكفون بنتي حساسه مررررررررره وبصراحه رحمته كل ما جلست اطالع في شعره او نتكلم عنه تمتلي عيونه بالدموع مسكينه كل شوي تسال ماما متى يروحن الحشرات هذي
تكفون الفزعه يابنات الله يخليلكم عيالكم وبناتكم ويرزق اللي ماعنده
والمشكله اخف ينتقل لخوانه لن بصراحه حممت اخوه قبل شوي عمره 5 شهور وجلست امشط شعره وتفاجئت بوحده في شعره بسرعه الله يرحم والديكم الله يدخلكم الجنه ويوفقكم عطوني حل الله يجزاها الف خير اللي تساعدني ويفتح لها ابواب رحمته يارب