اريد ذكرى جميلة لولادة البكر في افضل مستشفى بالرياض

السلام عليكم ورحمه الله وبركاته

كيف الحال جميعاً

جايتكم اليوم مشاعري مختلطة بين خوف وقلق وتوتر وفرح وضحك وبكاء
باختصار حالي متلخبط مرررررررررررررررررررررة

باختصار ياجماعة الخير ابيكم تعطوني الرأي السديد


انا حامل اول مرة وحالياً في آخر الثامن طبعاً انا من الرياض
بداية الحمل كنت بمستشفى الحبيب التخصصي عند د.نادية الزرقي
كانت كويسة ومرتاحة لها نفسياً لاني سبق وتعاملت معها قبل الحمل بسبب الالتهابات والحمدلله انتهت الحالة وجيتها بعد ماشكيت من تأخر الدورة
المهم اني استمريت معها بالمراجعات في مستشفى الحبيب الى الشهر الرابع فقط
وبعدين الله سبحانه وتعالى يسر لي أمري وكملت مراجعات في مستشفى الملك فيصل التخصصي ومركز الابحاث بالرياض لوجود ملف عندي من الاووول
المهم بعد مرور اربعه اشهر مع الملك فيصل التخصصي اكتشفت ما يلي :-
1- مواعيد المراجعة كل مرة واحد يعني مع مختلف الاطباء في عيادة النساء والولادة ، وان كانت ليست مشكلة كبيرة لدي فهم جميعهم ذو كفاءة عالية .
2- الولادة ممكن ان تتم على يد طبيب رجل !! ، والشكوى لله طالما انهم على كفاءة عالية .
3- لا توجد لديهم حضانة !!! سواء ولادة طبيعية اقامة ليلة او ولادة قيصرية ثلاثة ايام فالطفل الرضيع سيكون مع داخل الغرفة ، الشكوى لله ان شاء الله أمي معي وستساعدني.
4- الطفل مسئوليتك لو تطيح سوارة الطفل اللي عليها اسمه ماراح يطلع معك هههههههه اجراء آخر للخروج من المستشفى !
ولايعطونه حليب صناعي ، يبوني انا ارضعه طبيعي !!!!
5- الولادة : انا ارغب باجراء قيصرية ، ولكن سياسة المستشفى ضد اجراء القيصرية الا للحالات الحرجة فقط ، والولادة الطبيعية هو الاجراء الرسمي ،الشكوى لله .
6- الطفل المولود ليس له حقوق عندهم ، لاتجرى له الفحوصات سوى فقط صورة الدم من كعب الرجل ، ولا يفتح له ملف للتطعيمات ولا المتابعة اول ثلاث شهور ، والطفل لو كان ذكراً بإذن الله ، فلن تجرى له عملية تطهير او ختان ، فالعملية خارج هذا المستشفى ،
المهم اني قلبتها في راسي يمين يساااااار
واحترت صراحة
انا جيت لهم علشان كفائتهم العالية ، بس بصراحة حسيت انهم يبون يتعبوني
وانا عندي تأمين طبي في المستشفيات الخاصة اللي عندهم الحضانة أهم شي ، ياخذونه عني ويخلوني انام ع الاقل لاحقة على بكاء وازعاج الطفل والا وش رايكم ؟؟
ابوي الله يجزاه الجنة يقول انا امسك وليدك مايزعجك ههههههه بس كملي في التخصصي
اهلي كلهم يبوني اكمل في التخصصي
بس انا للحين ماقررت


الزبدة أبي ذكرى جميلة عن ولادة الطفل
ما ابي العذاب ساعدوني
و
ابي استشيركم طبيعي والا قيصري ؟؟؟

واخر شي بقوله اني حجزت لبكرا موعد عند الحبيب عند د.نادية الزرقي

وش رايكم