اختي هايدى2 ,

السلام عليكم و رحمه الله وبركاته,

ليه ماتخليهم الاثنين وتتركيلهم البلد و تشوفي بلد تانى تعيشي فيه انتي و اولادك.

لكي كل الحب:32::32:

السلام عليكم و رحمة الله
شوفى يا ستى مشكلتك لها حل ان شاء الله
تعالى كدة نتكلم بالبلدى انتى واحدة شافت كتير يعنى ببساطة مهما يحصل مش هيكون اوحش من اللى فات... اتفقنا? ok
تانى حاجة انتى اللى بتصرفى عالبيت يبقى مش محتاجة و جوازك اصلا مالهوش لزمة لان انتى لا يمكن تامنى له خصوصا انه غامض و كان له موقف قبل كده و ايه لا دة كمان خلف منها بنت
يبقى ايه لزمته?
انتى تعملى كالاتى:
انفصلى عن جوزك الحالى سواء بتفكرى ترجعى للاول او لا
عيشى لوحدك فى حالك قرشك لنفسك تدفعى بيه ديونك عرفتى تحوشى كان بها معرفتيش يبقى خلاص
تالت شىء لو حسيت انك عايزة و مستعدة ترجعى للاول يبقى يكتبلك مبلغ باسمك و ابعديه عنه تماما
رابعا فين اخوالك او اعمامك ? يعنى اكيد ليكى اهل حتى لو من بعيد . وديهم و اهو تكسبى صلة رحم و يكونوا ليكى و لاولادك سند معنوى
ادعى ربك و انوى و توكلى على الله و احسنلك تعيشى لوحدك ملكة عن ما تعيشى فى هم بسبب اجوازك دول و اجمدى و اعملى بنصيحتى لانك كنتى طول عمرك جامدة
ربنا معاكى

amonah

محجبه

الكل بالكل

Homaa

yasser2004

شمس الحب1g

وقـفـــgا iiiــــgي

أم الكتاكيت


جازاكم الله خيراً لمشاركتكم مشكلتي أشكركم جدااااااا من كل قلبي وياريت تشعروني إنكم فاكرني لإني مازلت مكروبة ومالاقية حل وشاعرة إنكم نستوني وأخذت على وجودكم بجانبي

أين مراسلاتكم اللي بتريح نفسيتي وبتلهيني شوية وبتجعلني أفضفض عما بصدري لكي أتلاشي الكتمان اللي بيجيب المرض

وعلى فكرة إني صنعت مع زوجي خلافات لكي أتخلص منه طالما مالهوش لزمه وجدته بيتمسكن ويحزن ويذل نفسه ويعاملني بطيبة وتودد وأي غلطه أواجهه بها يبرر موقفه مثلاً واجهته بإنه طلما مابيصرف علىً وغير مسئول وشايفني مريضة وبيتفرج علىً لابد من الإنفصال ، و مثلا أذكره إن له مواقف خيانة وإنه غامض وماعندي شعور بالأمان ولابد من الطلاق يقسم على المصحف بإنه مخلص ومابيخونني وده كان زمان ويقولي (انا كبرت وأصبحت عمري 36 ) وماعندي غيرك ومتمسك بك ولاأريد أخسرك وإني الشىء الوحيد الحلو في حياته وأمس بالضبط أخذني معه وصرف راتبه من البنك وقالي سأرسل لزوجتي السابقة 300 درهم للبنت النفقة الواجبة عليه بحكم المحكمة وسأرسل لولدي ووالدتي 300 لإنهم مرضي ومحتاجين علاج وإنت خذي 300 درهم ومستدين من شخصين بدبي كل واحد مائة وماسيبقي لي 400 هل يعيشوني ؟ ويحلف أيضاً على القرآن إنه مابيكذب ! فقلت له خلي لك الفلوس مش عايزة فرفض يأخذهم فأخذتهم ، وإستحرمت أخلق مشاكل وهو بيذل نفسه لي 0

واللي تاعبني يأخواتي وإخواني إن أولادي كارهينه لإنهم شايفين إنه مابيصرف علىً وشايفينني تعبانة ومالاقية ثمن العلاج لنفسي وبفضلهم عن نفسي وشايفينه عائق لرجوعي لوالدهم لإن والدهم خارج على المعاش بعد 3 شهور وفي القاهرة خارج على المعاش وكانت وظيفته وكيل وزارة ومعاشه كبير إلى جانب إن عنده فلوس بالبنوك كتير بس مابيقول إنما عارفين كويس إنه مدخر بالبنوك الكثير وبخيل ومشتري بالقاهرة محل بالتمليك في نفس العمارة الساكنين بها وعند نزوله القاهرة سيفتحه مطعم تيكاويي وخايفين إنه يتزوج بالقاهرة وواحدة غريبة تأخذ الشقة المؤسسة بأثاث غالي الثمن وتستفيد بفلوسه لكن بيتعاملوا مع زوجي بذوق لإنهم مؤدبين وحساسين لكن أنا بشعر بآلامهم الداخلية وإبني الكبير ( بيدرس بكلية التجارة إنتساب بالقاهرة ) بيروح وقت الإمتحان ويرجع بشعر إنه بيغير من وجوده ومابيبين لكي يراعي شعوري وبيخجل منه لكن أنا بشعر بإبني وقلبي متقطع عليه وببكي من أجله دون أن يدري وأقوله ياحبيبي أنا عايزة أترك زوجي لا من أجل والدكم ولكن من أجل أريحكم لكن لما ربنا يإذن ويريد سنفترق أنا وزوجي وساعمل اللي علىً والباقي على ربنا يقولي على كيفك وعيونه مليئة بالغيرة وكل مابيكبر أشعر إنه بيتضايق من وجوده أكتر وإبني الثاني اللي يريد إجراء عملية جراحية بعيونه وبيدرس بهندسة كمبيوتر جامعة عجمان في حالة وجود زوجي يقسم وقته بين المسجد والنوم والجامعة وماأشوفه إلا في وقت الأكل ويبتسم لي وعيونه باين بها الغيرة والغيظ وكلامه مثل أخوه يقولي إحنا مش عايزين نزعلك لكن هو مش عاجبنا والثالث المريض بالسرطان اللي بيدرس بكلية الإعلام تخصص إذاعة وتلفزيون بجامعة الإمارات يقولي إحنا مش معترضين على زواجك ده حقك وأنا عارف إنك تعبتي كتير من بابا لكن إحنا زعلانين إنه غير مسئول ومابيساعدك وكان مفروض تتزوجي رجل غني ويقولي( والله ياماما أنا بدعي ربنا يشفيني وينجحني ويغنيني انا لما أتخرج واشتغل إن شاء الله سأصرف عليكي إنت وزوجك ) أقوله يارب يشفيك ياحبيبي والحقيقة إبني هذا دائما من الأوائل من صغره وبالجامعة سنتين دائما إمتياز والحمد لله إدعوله معي ربنا يشفيه يارب ويأخذ بيده ويشفي أولادي ويحفظهم ويحميهم وإبنتي نفس الكلام بتدرس بالثانوي 0

وفي النهاية أقول لأولادي الأربعة ( الزواج قسمة ونصيب وده مكتوب لي وأنا إختارته لهدوئه وطيبته ماكنتش أعرف إني سأتعب كده من فقره )

أما إبنتي في حالة وجود زوجي بتذهب أبوظبي عند والدها وجدتها والدة والدها موجودة معه وبعد مايمشي زوجي ترجع لإن والدها مايريدها في وجوده ويقول بنتك أصبحت عروسة مش مفروض تكون موجودة 0

وعلى فكرة جدة أولادي مع إبنها من تاريخ تزوجني وللآن موجودة معاه وكانت والدته من ضمن أسباب طلبي الطلاق لإنها كانت تزيده في قسوته وغيورة وماترحمنيش وكنت أحترمها وأخجل منها وأعاملها بطيبة لإني إتحرمت حنان الأم منذ صغري وكنت أتمناها تعاملني مثل بنتها لإني متشوقة يكون لي أم ولكن مافي فايدة فيها كانت قاسية مثل إبنها وياسلام الحين بعد مافارقت إبنها تيجي تزورني كل إسبوع وتحبني وأنا أعاملها بطيبة ومحبة لإن طبعي كده وأيضا زوجي يرحب بها ويعاملها بطيبة وبطبيعته والأولاد يفرحوا بوجودها وكلنا ندلعها وتجلس بالأيام والإسبوع وتقولي مش عايزة أسيبك وتتعامل مع زوجى بمحبة ولو إختلفت مع زوجي أمامها تقولي ( حرام ماتزعليهوش والنبي ده راجل طيب ) ولو إشتكيت لها إن إبنها مابيعطيش الأولاد مصروف ومابساعد المرضانين وترك المسئولية لي تقولي ده ماعندهوش فلوس وإنه بيدفع إيجار وكهرباء ومديون وبيصرف علىً وعلى أخوه وفلوسه كلها راحت على المحل 000 ياعني من الآخر مافيش فايدة فيها وفي إبنها مازالوا طمعانين في مرتبي من زمان لكن أعمل إيه ؟ حتى إنها بتشجع إبنها مايعطي أولاده والأولاد بيخبروني يقولوا دي أبخل من بابا إحنا بنلاحظ لما نطلب منه فلوس تكشر وجهها وتكلمه بصوت منخفض وتمنعه وتزيده في بخله ومع ذلك بيحبوها لإنها ست كبيرة وجدتهم 0

ومازلت إخواتي وإخواني في حيرتي وتفكيري متشتت ومكروبة وحزينة وببكي من قلبي ومقهورة ليل نهار حتى إني أصبحت أتعامل مع زوجى ببرود ولا مبالاه إتغيرت معاه كتير وهو متحملني لإنه فاهم كل شىء وليس غبي

وببحث عن مخرج لتخلصي منه وأحرر نفسي من هذه الخنقة إعتبرته عبء على أولادي ومافي منه فايدة بالنسبة لي من ناحية مساعدته المادية ، وبتمني من قلبي أريح نفسيات أولادي قرة عيني 0

مازلت محتاجة لوقفتكم جنبي وآرائكم وأرجو ياإخواني وإخواتي ماتكونوا زهقتوا مني 0ماتتركوني لإنني شعرت بشوية راحة نفسية لوجودكم معي وبستفيد من آرائكم وبرتاح لشعوركم الطيب وكرمكم معي وبتنسوني شىء من كربي 0


شكراً جزيلا إخواتي وإخواني ربنا لايريكم ضيق ولامكروه ويجازيكم كل خير ويكفيكم شر بلاء الدني والآخرة يارب العالمين ، ولاتنسوني في دعواتكم ولأولادي ولكم مثل مادعوتم 0

والسلام عليكم ورحمة الله وبركاته،،،،

أختكم / هايدي 2

:27: :24: :27:

الله يكون بعونك ويختارك لك ما كان الصالح فيه
ولاتنسين ان تكثري من الدعاء والاستخاره
ماخاب من استخار
وفقك الله لمايحبه ويرضاه

أختي Homaa

أختي karma

أختي فـــراوله

ألف شكر لطيب قلوبكم ومشاركتكم آلامي ربنا مايحرمنيش منكم يإخواتي الغاليين
حبيبتي فراولة فعلا سأكثر من الإستخارة كلامك صحيح
وفيما بعد سأرد علي أختاي homaa و karma لإني سأحضر الغذاء للأولاد وأشكركم جدااااا

لكم تحياتي وكل الحب من صميم القلب
أختكم / هايدى 2