الواجب انتي تزوري أهل زوجك

مثل عاداتنا زوجة الابن هي إللي المفروض تروح تزور أهله وتسلم عليهم مثل ما تزور أهلها إذا جت من السفر ... وبخصوص الأخت صاحبة الموضوع إذا ما في زعل ولا مشاكل بينكم من قبل الأفضل تروحي تزوريهم عادي ولا تعتذري ولا تفتحي أي باب للعتب وغيره واستعبطي ولا كأنه حصل في الموضوع تأخر! 😂... وإن حد سأل تعذري بأي شي انشغال أو ظروف ولا تكملي العذر 😉 وقولي المهم الحمدلله قدرت أزوركم وأهنى بشوفتكم إللي تشرح الخاطر ❤🌹... وحلو لو تقدري تاخذي معك هدية لهم تزيد المحبة وتزيل أي عتب عليك على التأخر👍🏻لأن ممكن هم بعد ينظرون لك بنفس نظرتك هذي لأنك ما زرتيهم  ولا اتصلتي فيهم ومو حلوة أبدًا حتى لو في مشاكل إنك تمنعيهم شوفة ابن ابنهم!! ... هذا حق لهم ومنعه يعتبر تعدي وظلم منك حتى لو ما حبيتي تزوريهم خير شر! 🤷🏻‍♀️

وافتحي أبواب الخير بزيارتك وتأكدي من الأمر 😉... ولا تفتحي أبواب العداوة والمشاكل بظنك الذي قد يكون خاطئ في الآخر 🤷🏻‍♀️  ... 

والله يوفقك ويهديك للرشد في كل أمر ...❤🌹

عادي انتي روحي زوريهم
وخذي لأمه هديه معك
لاتنظري هما اللي يسألو بادري
انتي
الله يألف بين قلوبكم

من كلامك كأنه ام زوجك وابوه متوفين
اذا كذا ياختي من متى العمات والعمام يسألو عن اولاد اخوهم ولا يزوروه
اذا يهمك تواصلهم فالأولى انك انتي تواصليهم
وتدقي عليهم
وولدك اذا كبير ويفهم خليه يروح مع عمه
لكن لو صغير سنتين ثلاثة
فاعتذري قوليلهم الولد يبكي لو بعد شوية عني

الاغلب زيهم 
بس كان انتي زاورتيهم