اريد رايكم في حياتي..هل الي اسويه صح.؟والا غلط؟؟؟

اخواتي الحبيبات ...يمكن راح اطول معكم في سرد قصة حياتي بعد ما سمعت اني انا غلطانه في بعض الامور.....بالرغم اني اشوف الي اسويه عادي جدا من حقي..... طولت عليكم اسفه...................................المهم انا صارلي سنتين وشوي مزوجه وعايشه عند اهل زوجي وما عندي عيال بس الحمدلله انا الحين حامل بالشهر الخامس...في بداية حياتي الزوجيه السنه الاولى من الزواج كنت ما كثير اروح بيت اهلي او انام عندهم كون زوجي يغيب عني بالايام لظروف العمل فاجلس بالبيت انا وان زوجي بروحنا ما في حد قريب من سني واصلا ام زوجي وحيده اولادها كلهم مزوجين وبعيد عنها فقلت لزوجي انا وانت راح نعيش معها لين الله يفرجها والحمدلله اهل زوجي كثير طيبين........بس بعد فتره بديت احس بالملل والضيق يتسرب الى حياتي وكنت دايم بالليل لما اروح على الغرفه اجلس ابكي والدموع ماتوقف من عيني لين الصبح وكرهت نفسي وقلت في نفس انا زوجت عشان ارتاح والا عشان اتعذب....المهم بعد مده قلت لازم اغير حالي فلما زوجي يروح العمل قمت اروح بيتنا واجلس لين باليل وبعدين ارجع بيت اهل زوجي ...واستمر الحال على كذه ...بس بعد ترى وحدة الليل صعبه جدا تجيني افكار وهواجس ...
لكن الحين بعد ما حملت تغير الحال لما زوجي يروح الدوام اروح بيت اهلي وانام ولما يرجع ارجع ...وام زوجي تظل بالبيت وحدها مع الشغاله وجنبها بيت بنتها....واستمريت على هالحال لين اليوم ...بس امي الله يخليها تلومني ليش اخلي ام زوجي لوحدها....صدقوني هم ما يحسون بالملل الي اعيشه والاكتاب والافكار لما اكون لوحدي ووقت الليل....بعدين صح ام زوجي حرمه كبيره لكن الحمدلله الله عطاها الصحه ويخليها يارب...تشيل همي من وجبة الغداء والعشا ...انا مو غريبه عن البيت وقت ماريد بسويلي الي اريده .,,,, هيه دايم اتقول اني استحي وما اكل وا ان الاكل ما يعجبني بالعكس انا اكل اي شئ وفي بعض الاحيا امشي على نظام غذائى للرجيم عشان احافظ على وزني... لذلك قررت اروح بيتنا وقت زوجي ما موجود ,,,,,لان ما اريد ام زوجي تشيل همي بالاكل وغيرها ....وهالايام سمعت ان الي اسويه غلط في حق ام زوجي ..وخاصة ما صرت اجلس معها بالصاله كله جالسه بغرفتي لان ام زوجي ما تحب التلفاز عشان عيونها فانا اراعيها...ولا صرت اجلس مع صديقاتها الي يأتون من الساعه العاشره ص حتى وحده الظهر ... لاني بصراحه مليت حريم كبار بالسن وهم بعد ما يحبوا يتفرجون على التافاز اهم شئ عندهم السوالف والاكل....

اريد اعرف هل الي صرت اسويه غلط بحق ام زوجي ..؟ وشو رايكم بحياتي الملله......,,,وشو الحل عشان ماريد احد يلومني ويقولي انت مقصره بحق عمتك وهل اراعي شعورهم على حساب راحتي ونفسيتي ارجوكم ساعدوني انا بحيره وما اريد اخسر احد وخاصة ام زوجي لانها عن جد طيبه...