ليل البنادر :

حبيبتي الثريد هو صالونه لحم وخضره تغسلين اللحم طبعا يكون اللحم مقطع مكعبات تكونين مجهزه الخضار مثل البوبر والقرع والكوسا والباميه والبطاطا والطماط الطازج والبصل يكون مقطع جوانح تاخذين ثوم وفلفل اخضر ودقينه في الهاون علشان ايصيرناعم تحمسين البصل وتحطين عليه الثوم وتحمرينه بعدين تحطين اللحم وتحمرينه على خفيف بعدين اضيفين الخضار المقطعه على اللحم وتحطين عليه البهارات مثل البزار والكركم والملح والكمون وعلبه صلصه طماط وتحطين عليه 3 حبات لومي الاسود العدل تاخذين اللومي وتسوين في ثقوب بالشوكه وتضيفينه على اللحم وبعدين تحطين عليه ماي اي ماء بحيث ان يغمر اللحم والخضار جيدا بحيث تكون كميه الماي كثيره ونسيت شي حطي في الصالونه حشيش مقطع صغار وتركي الصالونه تطبخ على نار متوسطه او اقل من المتوسطه حتى يلين اللحم ممكن اذا حبيتي تختصرين الوقت سلقي اللحم بجدر الظغط وعقب ما ينضج اللحم حطي الخضار والبهارات وتركيه يطبخ حتى تنضج الخضار الحين صارت الصالونه جاهزه اشتري خبز من الخباز وقطعي الخباز واسقيه بالمرق وخليه يتشرب عدل الخبز في الاخير حطي اللحم والخضار من فوقه ان شاء الله تعجبج الطريقه واذا ما عجبتج ياويلج لان تعبت وانا اشرح واكتب هههههههههههه بالعافيه

حبيبتي الثريد هو صالونه لحم وخضره تغسلين اللحم طبعا يكون اللحم مقطع مكعبات تكونين مجهزه الخضار...