اريد طريقة لتدريس الطالبات في الحلقة وحبهن لها

اهلين اختي ابكتب لك طريقه اتمنى انها تفيدك
اولا قسمي وقتك نصف ساعه للمرحله المتوسطه والثانويه سمعي لهم وبعدين لقينهم جماعي عشان الوقت وتفسير مبسط للايات وبعض التوجيهات اذا كان في الايات توجيهات والي مايكفيك الوقت سويه لهم على شكل مسابقه يسونه في البيت
المرحله اللي بعدهم بما انهم كثير خذي الممتازات من الثانوي والمتوسط خليهم يسمعون معك يعني كل وحده مسؤله عن اربع اوخمس وانت عليك الباقي بعد التسميع لقنيهم وبيني لهم الكلمات الصعبه
ونفس الطريقه مع حقين ثالث وكذلك مادون المدرسه..ويوم الثلاثاء خليه دروس ومحاضرات
اتمنى اني اكون افدتك (يعني نصف ساعه لكل مرحله)والله يوفقك

up

الله يوفقك ويجزاك كل خير ياحبيبتي ساشرح لك من خبرتي في دار التحفيظ
وانت اذاردت ذلك طبقيه واذا احتجتي اي شي ارسلي لي على الخاص واذواجهتك مشكله راسليني ؟؟؟
وان شاء الله اقدر اساعدك ..
اولا قسمي الحلقات ...
الامهات ....طبعا موجوده مشرفه لهم
المتوسط والثاموي ..عددهم مناسب ,,,اتمني ان تتولين الحلقه انتي ..

الابتدائي قسمي الحلقه الى 11طالبه كل حلقه ..
وتشرف عليهن بنات الثانوي ..يقومن بالتسميع على البنات بعد ماتشرحين لهن طريقه التسميع والتقييم
وبعد مايخلصن مسمعات على الحلقه تقومين انتي بالتسميع عليهن
اما الذين لم يدخلوا المدرسه اتمنى انكم تفصلونهم ويدخلون المراكز الصيفيه بحجه عددكم وبدايتكم ..
او اوكلي اليهن طالبه نشيطه تحفظهم السور القصيره والاذكار

امابالنسبه للتجويد فلا ترهقين نفسك ..
اذكان فيه من تجيد التجويد تكون متفرغه
وتدرس كل يوم حلقه بعد التسميع المقرر
ولايكون الركز كله مرة واحده ..
الدروس ياليت تكون اسبوعيه مثلا كل اثنين نص ساعه فقط بعد التسميع تكون مثلا مكثفه عن حفظ القران وفضله واثرحفظ القران على الابناء والوالدين

وذكريهم باللباس المحتشم ,,
وعلشان مليك
ون تكاليف ياليت تلزمينهم بالزي المدرسي كما تفعل الدور الاخرى

كذلك احرصي على لباسهم العبايات الاسلاميه وتوزيع الشراب الارجل والقفاز ....

وخليك دائما القدوة لهم
لاتنهينهم عن شي وتقومين به احذري ذلك
وفقك الله واذمحتاجه شي انا بخدمتك
راسلييني على الخااااااااااص

اختي الحبيبة عندي كلمة ارجوا ان تسمحي لي بها ,كل ما قالته اخواتي جميل والله يعينك ان شاء الله ولكن اعتقد ان السن الصغير وهو ما قبل المدرسه على الرغم من انه سن متعب ويحتاج الى جهد كبير ولكن ارى انه سن الحفظ السريع ونظام الكتاتيب نظام قديم كان الشيوخ الاجلاء في مصر يتبعونه لتحفيظ هذا السن وهو التلقين الدائم طوال فترة التحفيظ ولايهم الكم ولكن ان يخرج الطفل وهو يردد الايات بطريقه صحيحة وعندما يستطيع القراءة في المصحف تزيدي له كم الحفظ اما البنات في ثانوي ومتوسط فتحتاج فقط للقراءة السليمه ومتابعة الحفظ وكذلك من هن في الابتدائي مع شرح بسيط للكلمات حتى يقرب معنى الايات لهن ,وفقك الله وتقبل منك .

جزاكن الله خير أخواتي بطبق جميع الطرق إن شاء الله كل أسبوع طريقة حتى يكون هناك تجديد ومايملون الطالبات أما بنات مادون سن المدرسة فأنا لا أهملهن بل موكلة طالباتي الكبار تلقينهن والله الموفق وأتمنى من جميع الأخوات التفاعل مع موضوعي حتى نكون ممن يتعاونون على البر والتقوى