ما عندي فكر السموحه انا من راك

على حسب اذا بيجونكم 30 حرمه وبتطلبين منهم ست طاولات اذا كل طاوله عليها خمس كراسي وطبعا طاوله للبوفيه وطاوله للحلا وانتي اتصلي على محلات التأجير واسألي عن سعر الكرسي اتوقع انه بخمس او ثلاث ريال للواحد ..
وشوفي سعر البوفيه بدون الكراسي ومع الكراسي ..

انا اقترح عليك عشان توفرون اقتراح حلو
الطاولات والكراسي والصحون والمفارش استأجروهم من محلات التأجير ترى رخيصين اذكر الكرسي ب 3 ريال

يجي الحين الاكل:
مادام الحلويات والمقبلات انتو بتشونهم طاح نص الهم

الشعبيات:
جيبوا حافظتين كبار وروحوا لواحد من المطابخ مثل البيت السعودي وخلوه يعبي لكم واحده قران والثانيه جريش
وجيبوا من عنده صحن واحد ذبيحه يكفي وزياده

تروحون لواحد من المطاعم الحلوه وتطلبون سخانات بالاكل اللي تبونه بيطلع عليكم ارخص
بقولك على اللي جربناهم للحفلات
السرايا التركي
الصخره في طريق المطار القديم
هذولي مره رخيصه اسعارهم واكلهم مرتب

الفارس في الملز.... اسعارة اغلى من اللي فوق لكن يجنن اكلهم
النافورة
سعد الدين

ماعندي فكرة

للرفع لعيونك

هلا باحلا خوات مشكورات والله يجزاكم خير جميع الي ردو علي ورفعو الموضوع
اختي دلوعة ابوها 23الله يجزاك خير الجزاء ولله ما قصرتي كفيتي ووفيتي بس الله يعافيك بسالك سوال ؟ بالنسبه لتاجير الطاولات والكراسي سعر الكرسي ب3 ريال مع تلبيس الكرسي ومفارش الطاولات والطاولات لهن سعر ولا تابعات للكراسي وبالنسبه لطاولات البوفيه بكم سعرهن مع المفارش وهل ياجرون صحون وملاعق وكيسان ويرتبونهن ؟ معليش عثيتك بكثرت الاساله تحمليني لانه اول مره يكون عندنا مناسبه بالبيت وودي تطلع حلوه ومرتبه