اريد مساعده من صاحبات الذوق الرفيع في ترتيب غرفة بناتي

طيب والله بجد مافهمت الصوره

ماتقدرين تنزلين الصوره من نفس تصميم الغرفه\\

وان شاء الله تلقين مساعده


نننتظر ردودمساعدة الاخوات هنا

الله يخليلك بناتك ويهنيهم يااارب ..:27:

هادا ترتيبي للغرفة .. بس على حسب حجم السريرين يعتمد وضع المكتب او الدولاب ..

يعني ممكن تبدلي بينهم اذا كانوا السريرين كبار ..بس لاتحطي شي تحت المكيف لأنو ما بيطلع حلو ..

وكمان الشباك خليه بدون شي عشان ينور الغرفة احلى ...:39:

مشكورة اختي بسمة الامل

بس احس الصورة واضحه الغرفه مساحتها 4متر في 3متر

وموضحه فيها فتحة الباب والشباك ومكان المكيف

مشكورة حبيبتي ميمي حجازي

ورسمك واضح بس لمن احط السراير في هذا المكان بيكون المكيف بارد عليهم وهما صغار

ترتيبي في غرفة اولادي مثل الاخت ميمي حجازي لكن الدولاب مكان المكتبه

وحطيت جنب المكتبه صندوق الالعاب من جهه وسلة الغسيل من الجهه الثانيه

وطالعه الغرفه مرتبه ...... وبالنسبه للمكيف خليه على منخفض وارفعي الريش

اتمنى انك فهمتيني ........ وتقبلي مروري