أنا نفس حالك ماتوفقت في شغالة زينة وشغالتي الفلبينية في شهر 8 بنكمل سنة ولسى المكتب ماجابها حسبي الله عليه ونعم الوكيل وجبت بالشهر كثير لكن حسيتهم وسخوا بيتي وكسروا المواعين ونفوسهم شينة يبون اكل ونوم وراتب ومشكلتي موظفة وعندي عيال صغار ومكروفة كرف ومشكلتي دقيقة في التنظيف وصرت عصبية مرة من ضغط البيت والعمل والعيال وماعاد افكر اجيب شغالة الى ان تجي شغالتي هذا إذا جابوها الله يعين ويفرج لنا ولكل مسلم

اسأل الله ان يكون في عونك وعليك بوصية الرسول صلى الله عليه وسلم لفاطمه وعليك بالاستغفار فهما مجربتان................

تذكري قول رسول الله لفاطمة وعلي ( اذا اخذتما مضاجعكما أو اويتما الى فراشكما فسبحا ثلاثا وثلاثين واحمدا ثلاثا وثلاثين، وكبرا أربعا وثلاثين، فهو خير لكما من خادم أخرجاه في الصحيحين

الله يفرج كربتك ويسعدك ويحلي أيامك ..

الله يعين يابنات انا معكم ان البيت بدون الشغاله اريح للنفس بس ان جينا للصدق ماعدنا نلحق يعني انا مثلا جربت حياتي بوجود الشغاله وبدونها بدونها اقوم بدري ارتب السراير واسبح واسبح عيالي واخذ الملابس للغساله واروح للمطبخ واحط الفطور واغسل وامسح واطبخ واقطع واجهز وقهوه وهذا يبكي وهذا ضربني واقعد افك بينهم وهذا كب العصير على ملابسه والفرش اضطر اغسل الفرش واغير ملابسه وعلى هالحال الين يجي زوجي الاانا عاد واصله حدي تعبانه قرفانه يدوب اصلح قهوه ويبدا هم تصليح العشا والتقطيع وغسيل المواعين يجي الليل الاانا تعبانه وادور الفراش ومالي خلق شي ابد وقت مايكون عندي سهره الضيوف يسولفون وانا اكرف مابين المطبخ والتقديم واللاطفال بس بوجود الشغاله الله يكفيني شرها انا اهتم بعيالي وهي بالبيت مسويه لها نظام تمشي عليه وقت مايكون زوجي فيه ماتطلع من المطبخ تكمل شغلها واذا ناموا عيالي الساعه 8 بالليل لاني نظاميه هي بعد تنام بقسم الرجال واقفل الباب الي بيني وبينها طبعا يكون عندها ماء وفطيره والي تبي ومن الساعه 9 انا مرتاحه وجسمي مرتاح واقدر اتفضى لزوجي نجلس ونضحك والبس على كيفي وبكل ثقه اقدر اطلع للمشفى والسوق بدون ازعاج الله يصلحهم وطبعا يكون عند اختي مااتركهم معها بالبيت بدونها اكون تعبانه ودايم اتناكد مع زوجي من ضغط الشغل وتعب البدن وش رايكم من جد مانقدر نلحق والله يعيننا والرجال ماتعذرنا مايحسون بتعبنا انتي مقصره مايشوف الكرف احس الشغاله واسفه طولت عليك بالهذره بس وش اسوي