اريد وحده مثل قصتي

اني الجبيره عمري ٢٢ و عندي ٣ اخوان أصغر مني ٣ بس بيهم توحد من يوم ما اني صغيره و اني ما مرتاحه بسببهم جانت امي ما تحب تطلعهم و إذا بنات الجوارين جانو يجون يردوني العب وياهم جانت ما تقبل بحجه انو اخوانج يشوفونج و يردون يطلعون هم و البنات حتى ما جانو يجون يلعبون وياي لان تصرفات اخواني جانت عدائيه جدا عانيت كلش هواي منهم بطفولتي و من كبرت بلش التعب يكثر و أهم يزيد عليه ابسط شي شغل البيت كلها صار عليها واني بعمر أصغر تخيلو طالبه اول متوسط تكعد ب ٥ الصبح و تسوي غدا، جنت شاطره و محافظه ع صلاتي و كل شي جانت امي و ابوي يهتمون بيهم حيل و ناسيني ملابس ماكو اشياء خاصه بالبنات ماكو محد مهتم بيه تجيب الهم كل أنواع الايبادت و احسن شي واني حتى ممنوع عليه هاي الأشياء، كبرت وصلت السادس اعدادي و توسلت بيهم عمود درس خصوصي و جنت اريد درس بماده وحده بس لان اني شاطره ما قبلت و بعدها بشهر امي أخذت اخويه لي عمره ١٧ سنه للمعهد حتى يعلمو الكتاب و القرأ مشكله هو نفس معهد لي توسلت بيهم عمود درس واحد، المهم نجحت من سادس و نجاحي جان معجزه بنظر الى وضعي ملازم بلكوه اجيب و دروس خصوصي ماكو صار الوقت لي حتى اروح للجامعه جان بالي شي و جانت جامعه اهليه و هم رفضت امي دخلني جامعه اهليه بحجه هاي للفلوس اخوانج يستاهلونها أكثر منج و رحت كليه حكوميه و قسم اكره و كل هذا و ساكته بلجامعه كل شي محرومه منه لبس مثل البنات ماكو و جهاز ماعندي ( ملاحظه جاي استخدم واحد من الايبادات اخواني وعندي وقت محدد و اتركه) و مكياج ماكو و باقيه ادخل للكليه بس اتحسر من اشوف البنات مكياج و لبس و احسن انواع الاجهزه واني ملابس باله قديمه و جهازماكو و مكياج ماكو و من اريد شي تكلب الدنيا عليها هسه بلعيد توسلت بيها عمود فستان ب ٢٥ اريد فستان مثل البنات ماكو بلكوه جابت الي فستان بعد عركه بنص الشارع وياه اهلي، وحتى ما اتهنيت بيه من كلامهم، هسه اني مرحله ثالثه و خايفه خايفه حيل يخلص الدوام لان الدوام هو مكان الوحيد لي اهرب من البيت، اريد اعرف وحده نفس قصتي اريد اشوف هل زواج حل لان اني كل و ما بالي اتزوج و بعد اقطع علاقتي بأهلي لان امي من يوم ما اني صغيره تشوفني اني الله خلقني عمود خدمه اخواني مره من المرات تعاركت وياها و كالت الي والله اله ابقيج خدامه الهم لا زواج ولا شغل اريد اهرب من البيت للزواج لان شعور الوحده يموتني يعني تخليني من الصبح لليل بس اكرب و انظف و أطبخ و اسمع كلام سم و كل هذا ما عاجبهم نوب من اكعد اكعد بغرفه ٤ حيطان و وياهم و اخواني كلواحد عندها ايباد و الصغير ع تلفزيون واني لا عندي أقارب يجوني و لا تقبل يصير عندي صديقاتي (هو عندي صديقات بس هي ماتدري) مرات احس الحيطان تضيق عليه