اريــــــد حــــــــــلا000 طفلي يبكي ويريدني بجانبه واهلي يتهموني بتدليلهً

السلام عليكم ورحمة الله وبركاته
اما بعد
اخواتي عندي مشكله يمكن هي صغيره في نظركم بس والله انا متعبتني واشوفها كبيره...
انا عندي ولد عمره 9 شهور واسبوع
المشكله انه له تقريبا اسبوع صاير بس متعلق فيني مايبي يجلس بالارض او يلعب بالحاله
زي اول مدري وش اللي جاه لدرجه انه مايبغى العابه ولايلعب فيهم الا اذا صار في حضني
ولما رحت لبيت اهلي واهل زوجي لاحظت عليه انه مايبي احد واذا شالوه يجلس يطالعني من بعيد ويتعبر
<<--يبي يكسر خاطري علشان اخذه:(
والمصيبه انهم حطوها على راسي يقولون ايه بكروماتعرفين تربين دلعتيه وتوهقتي
وانا بصراحه ما اشوف اني مدلعته بالعكس
وهم يقولون لا حطيه وقومي عنه ولامنه صاح مو على طول تشيلينه اتركيه هو بيصيح بيصيح
ومرده بيتعب وبيسكت!!:eek:
ومااقول لكم اني ماجربت الا بالعكس حاولت كم مره بس مانفعت طريقتهم
والله لو اخليه نص ساعه
ماسكت بالعكس يسكت دقيقه يستجمع قواهاه وبعدها يكمل صياح واحيانا اذا ماجيت وشلته
يجي ابوه ويقول لي حرام عليتس واحيانا يتركه ولاجا بعدين قالي انتي مدلعته
وانا محتاره بعمري والله مدري وش اسوي احيانا يطفشني من كثر ماعو متعلق مايخليني اروح ولا اجي
ولاجيت اطبخ اختار وقت نومه علشان اخذ راحتي ولا اخليه يصيح الين اخلص واجيه
ادري طولت عليكم بس والله من اللي احسه بقلبي..